ვიცე-პრემიერის გიორგი ბარამიძის შეფასებით, უკრაინის მიერ ნატო-ში გაწევრიანებაზე უარის თქმა საქართველოზე არ აისახება.
"ნატოში გაწევრიანების საკითხი უკრაინელი ხალხის გადასაწყვეტია. აღნიშნული გადაწყვეტილებას კი უკრაინის პარლამენტი, მთავრობა და პრეზიდენტი მიიღებს. რაც შეეხება ბუქარესტში მიღებულ გადაწყვეტილებას საქართველოს და უკრაინის ალიანსში გაწევრიანების შესახებ უცვლელი დარჩება და თუ კიევი ნატოზე უარს იტყვის ეს საქართველოზე არ აისახება",- განაცხადა ბარამიძემ.
შეგახსენებთ, რომ უკრაინის პრეზიდენტმა ვიქტორ იანუკოვიჩმა უკრაინის ნატოში გაწევრიანების უწყებათაშორისო კომისია გააუქმა, რომელიც 2006 წელს ექს-პრეზიდენტმა ვიქტორ იუშჩენკომ შექმნა.
