დღეს, 1-ელ აპრილს, 12:00 საათზე, სასტუმრო "თბილისი მარიოტში" საქართველოს იუსტიციის სამინისტროს მმართველობის სფეროში მოქმედი ახალი საჯარო სამართლის იურიდიული პირის მონაცემთა გაცვლის სააგენტოს პრეზენტაცია გაიმართება. ამის შესახებ "ჯი-ეიჩ-ენს" იუსტიციის სამინისტროდან აცნობეს.
პრეზენტაციას საქართველოს მთავრობის, საჯარო სექტორის, საერთაშორისო ორგანიზაციების, ბიზნესისა და სამოქალაქო საზოგადოების წარმომადგენლები დაესწრებიან.
შეგახსენებთ, რომ მონაცემთა გაცვლის სააგენტო 2010 წლის იანვარში დაარსდა, რომლის მიზანს საქართველოში ელექტრონული მმართველობის განვითარების საკითხების კოორდინირება, მონაცემთა გაცვლის ინფრასტრუქტურის შექმნა, ინფორმაციული უსაფრთხოების პოლიტიკის ჩამოყალიბება და მისი გატარება წარმოადგენს.
