საქართველოს საპატრულო პოლიციის დეპარტამენტს აშშ-მ 240 ტყვიაგამძლე ჟილეტი გადასცა.
ყოველდღიური ოპერაციების შესრულების დროს ოფიცრებისთვის განკუთვნილი ჟილეტები სახელმწიფო დეპარტამენტის საერთაშორისო ანტინარკოტიკული და სამართალდამცავი პროგრამების ბიურომ შეიძინა, რომლის საერთო ღირებულება 121,000 აშშ დოლარია.
ჟილეტები ტყვიების მოგერიებაზეა გათვლილი, რომელთაც დამნაშავეები პოლიციელების წინააღმდეგ იყენებენ.
ტყვიაგამძლე ჟილეტების გადაცემის საზეიმო ცერემონიას ამერიკის შეერთებული შტატების ელჩის მოვალეობის შემსრულებელი კენტ ლოგსდონი დაესწრო.
აღსანიშნავია, რომ ტყვიაგამძლე ჟილეტების კრიტერიუმის შემუშავებაში საპატრულო პოლიციის უფროსი გიორგი გრიგალაშვილ მონაწილეობდა.
აშშ-ს სახელმწიფო დეპარტამენტის საერთაშორისო ანტინარკოტიკული და სამართალდამცავი პროგრამების ბიურო (ასპბ) საქართველოს სამართალდამცავ ორგანოებთან 1999 წლიდან თანამშრომლობს.