დღეს, 27 მარტს, მოსკოვში სეპარატისტული აფხაზეთისა და რუსეთის პარლამენტშორისი კომისიის სხდომა გაიმართება, რომელზედაც აფხაზეთისთვის რუსეთის მიერ სოციალურ-ეკონომიკური დახმარების გეგმა უნდა დამტკიცდეს.
აღნიშნული სხდომის მუშაობაში მონაწილეობას სეპარატისტული აფხაზეთის ე. წ. პრემიერ-მინისტრი სერგეი შამბა მიიღებს, რომელიც ამისათვის მოსკოვში გუშინ საღამოს გაემგზავრა.
შამბა აცხადებს, რომ: "აფხაზეთისთვის სოციალურ-ეკონომიკური დახმარების გეგმა გაწერილია 2010-2012 წლებზე და იმდენად დეტალურად, რომ რომელი ავტობუსი სად და რამდენად იქნება შეძენილი".
სოციალურ-ეკონომიკური დახმარების გეგმა გულისხმობს სხვადასხვა მიმართულებას: სოფლის მეურნეობას, კომუნიკაციას, ჯანდაცვას, კულტურას, სპორტს, კომუნალურ მეურნეობას.