RSS - http://ghn.ge ghn.ge ge-GE Copyright by ghn.ge 2018 support@ghn.ge RSS 2.0 generation class საგამოძიებო სამსახურის უფროსის მოადგილე უკრაინის რესპუბლიკის უმაღლესი რადას საგადასახადო და საბაჟო პოლიტიკის კომიტეტის თავმჯდომარეს შეხვდა http://ghn.ge/com/news/view/208429/ საქართველოს ფინანსთა სამინისტროს საგამოძიებო სამსახურის უფროსის მოადგილე იგა ზაალიშვილი უკრაინის რესპუბლიკის უმაღლესი რადას საგადასახადო და საბაჟო პოლიტიკის კომიტეტის თავმჯდომარეს,  ნინა  იუჟანინას შეხვდა. შეხვედრის მიზანს უკრაინული მხარისთვის საქართველოს ფინანსთა სამინისტროს საგამოძიებო სამსახურის საქმიანობის სპეციფიკის და განხორციელებული რეფორმების გაცნობა წარმოადგენდა.  სამსახურის უფროსის მოადგილემ, იგა ზაალიშვილმა უკრაინელ სტუმარს სამსახურის საქმიანობის პრიორიტეტული მიმართულებები გააცნო და ბოლო პერიოდში სამსახურის საქმიანობის  ეფექტიანობის გაზრდის მიზნით უწყებაში განხორციელებული რეფორმებისა და სტრუქტურული რეორგანიზაციის შესახებ მიაწოდა ინფორმაცია. როგორც უკრაინის რესპუბლიკის უმაღლესი რადას საგადასახადო და საბაჟო პოლიტიკის კომიტეტის თავმჯდომარემ შეხვედრაზე აღნიშნა, უკრაინაში ანტიკორუფციული და საფინანსო-ეკონომიკური დანაშაულის წინააღმდეგ ბრძოლის მიმართულებით რეფორმები ხორციელდება  და ამ კუთხით, საქართველოს გამოცდილების გაზიარება უკრაინული მხარისთვის განსაკუთრებით  მნიშვნელოვანია. შეხვედრის ფარგლებში საგამოძიებო სამსახურის წარმომადგენელმა უკრაინელ სტუმრებს უწყების საქმიანობის სამართლებრივი საფუძვლების, ორგანიზაციული სტრუქტურის, უფლებამოსილებისა და ადამიანური რესურსების მართვის პოლიტიკის შესახებ პრეზენტაცია წარუდგინა. მხარეები შეთანხმდნენ, რომ გამოცდილების გაზიარების კუთხით ურთიერთთანამშრომლობა მომავალშიც გაგრძელდება. შეხვედრას საქართველოს ფინანსთა სამინისტროს საგამოძიებო სამსახურის ადმინისტრაციის უფროსი, საგამოძიებო დეპარტამენტის უფროსის მოადგილე და უკრაინის გადამხდელთა ასოციაციის პრეზიდენტი ესწრებოდნენ. support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-07/1531934979.jpg ghn.ge მამუკა ბახტაძე ნატო-ს გენერალურ მდივან იენს სტოლტენბერგს შეხვდა http://ghn.ge/com/news/view/208428/ მთავრობის მეთაურის სამუშაო ვიზიტი ბრიუსელში ნატო-ს გენერალურ მდივან იენს სტოლტენბერგთან შეხვედრით დაიწყო.   მხარეებმა განიხილეს საქართველოს ნატო-ში ინტეგრაციის პროცესში არსებული ყველა მნიშვნელოვანი საკითხი, მათ შორის, გასულ კვირას ბრიუსელში გამართული ნატო-ს სამიტის შედეგები და მიღებული გადაწყვეტილებების განხორციელების გზები.   შეხვედრისას, მამუკა ბახტაძემ და იენს სტოლტენბერგმა იმსჯელეს ბრიუსელის სამიტის მიერ იდენტიფიცირებული თანამშრომლობის ახალი სფეროების შესახებ. ხაზი გაესვა, რომ ნატო-საქართველოს არსებით ღონისძიებათა პაკეტი, ისევე როგორც თანამშრომლობის ახალი მიმართულებები მნიშვნელოვნად ზრდის საქართველოს თავდაცვის შესაძლებლობებს და მდგრადობას და ასევე, აახლოებს ქვეყანას ნატო-ში გაწევრიანებასთან. აღინიშნა, რომ მამუკა ბახტაძის პირველი სამუშაო ვიზიტი ბრიუსელში დასტურია იმისა, რომ საქართველოს კურსი ევროპულ და ევროატლანტიკურ სტრუქტურებში ინტეგრაციის მიმართულებით ურყევი და შეუქცევადია. აგრეთე, შეხვედრისას, საქართველოს მთავრობის მეთაურმა და ნატო-ს გენერალურმა მდივანმა ნატო-საქართველოს ურთიერთობების დღის წესრიგში მიღწეული წარმატებები და სამომავლო ურთიერთობების შემდგომი გაღრმავების პერსპექტივები მიმოიხილეს. ყურადღება გამახვილდა ჩრდილოატლანტიკური ალიანსის სტანდარტებთან დაახლოების გზაზე საქართველოს მთავრობის მიერ გადადგმულ და დაგეგმილ მნიშვნელოვან ნაბიჯებზე. მამუკა ბახტაძემ მკაფიოდ დააფიქსირა საქართველოს მთავრობის მზაობა - განაგრძოს ყოვლისმომცველი რეფომები და პოლიტიკური დიალოგი ალიანსთან, რათა მაქსიმალურად იქნას დაჩქარებული ქვეყნის ნატო-ში გაწევრიანების პროცესი. თავის მხრივ, ნატო-ს გენერალურმა მდივანმა კიდევ ერთხელ აღნიშნა ალიანსის ურყევი მხარდაჭერა საქართველოს ტერიტორიული მთლიანობისა და სუვერენიტეტისადმი. აგრეთვე, იენს სტოლტენბერგმა მადლობა გადაუხადა საქართველოს პრემიერ-მინისტრს საერთო, ევრო-ატლანტიკურ უსაფრთხოებაში, განსაკუთრებით კი, ავღანეთში მიმდინარე ნატო-ს ოპერაციაში საქართველოს მიერ შეტანილი წვლილისთვის. ნატოს შტაბბინაში გამართულ შეხვედრას გენერალური მდივნის მოადგილე როუზ გოტემოელერი, გენერალური მდივნის სპეციალური წარმომადგენელი სამხრეთ კავკასიასა და ცენტრალურ აზიაში ჯეიმს აპატურაი, საგარეო საქმეთა მინისტრი დავით ზალკალიანი, თავდაცვის მინისტრი ლევან იზორია და საქართველოს წარმომადგენელი ნატო-სთან ალექსანდრე მაისურაძე ესწრებოდნენ, რომლის დასრულების შემდეგაც მამუკა ბახტაძემ და იენს სტოლტენბერგმა მედიისთვის განცხადებები გააკეთეს.     support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-07/1531934072.jpg ghn.ge ხვალ, რობერტ პლანტისა და „Sensational Space Shifters“-ის კონცერტით შავი ზღვის რიგით მე-12 ჯაზ ფესტივალი გაიხსნება http://ghn.ge/com/news/view/208426/ 19 ივლისს, Black Sea Arena-ზე ლეგენდარული რობერტ პლანტისა და „Sensational Space Shifters“-ის კონცერტით შავი ზღვის რიგით მე-12 ჯაზ ფესტივალი გაიხსნება. შავი ზღვის სანაპირო რიგით მე-12 ჯაზ ფესტივალს 19-22 ივლისს უმასპინძლებს. წლევანდელი ფესტივალის „ჰედლაინერია“ რობერტ პლანტი და “Sensational Space Shifters”. შავი ზღვის ჯაზ-ფესტივალში წელს ასევე მონაწილეობენ: ჯგუფი “Trombone Shorty & Orleans Avenue”, DJ Lo Down Loretta Brown aka Erykah Badu, მუსიკოსი Wyclef Jean, R+R=NOW - რობერტ გლასპერის, ტერას მარტინის, ქრისტიან სკოტის, დერიკ ჰოჯის, ტეილორ მაქფერინისა და ჯასთინ ტაისონის შემადგენლობით, DJ “Mop Mop”. 20, 21 და 22 ივლისის საფესტივალო კონცერტები ტრადიციულად ბათუმის ჩოგბურთის კლუბში გაიმართება. ფესტივალის პროგრამა: 19.07.2018 – Black Sea Arena - რობერტ პლანტი და „Sensational Space Shifters”19.07.2018 – ბათუმის ჩოგბურთი კლუბი - Mop-Mop20.07.2018 - ბათუმის ჩოგბურთის კლუბი - TromboneShorty და Orleans Avenue20.07.2018 - ბათუმის ჩოგბურთის კლუბი - DJ LO Loretta Brown Aka Erykah Badu21.07.2018 - ბათუმის ჩოგბურთის კლუბი - Wyclef Jean21.07.2018 - ბათუმის ჩოგბურთის კლუბი - Mop-Mop22.07.2018 - ბათუმის ჩოგბურთის კლუბი - ბენდი R+R Now - რობერტ გლასპერის, ტერას მარტინის, ქრისტიან სკოტის, დერიკ ჰოჯის, ტეილორ მაკფერინისა და ჯასთინ ტაისონის შემადგენლობით. 22.07.2018 - ბათუმის ჩოგბურთის კლუბი - Mop-Mop   support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-07/1531933838.jpg ghn.ge "ქართულმა ოცნებამ" დავით ჭიჭინაძე პარტიიდან გარიცხა http://ghn.ge/com/news/view/208425/ ქართული ოცნება - დემოკრატიული საქართველოს სამდივნომ პარტიიდან დავით ჭიჭინაძის გარიცხვის გადაწყვეტილება მიიღო. ამის შესახებ პარტიამ ოფიციალური ინფორმაცია უკვე გამოაქვეყნა.  „გასული რამდენიმე თვის განმავლობაში ქართული ოცნება - დემოკრატიული საქართველოს“ და საპარლამენტო უმრავლესობის წევრმა, დავით ჭიჭინაძემ გააკეთა არაერთი საჯარო განცხადება, რომლითაც მან შეურაცხყოფა მიაყენა პოლიტიკური გუნდის წევრებს და ზიანი მიაყენა პარტიის იმიჯსა და ინტერესებს. დავით ჭიჭინაძემ არაერთგზის უხეშად დაარღვია პარტიული დისციპლინა და საყოველთაოდ აღიარებული მორალური და ეთიკური ნორმები. "ქართული ოცნებისთვის შიდაპარტიული დემოკრატია და გამოხატვის თავისუფლება სახელმძღვანელო პრინციპებია. პარტიის ყველა წევრს აქვს კრიტიკული მოსაზრებების გამოხატვის შესაძლებლობა სხვადასხვა საკითხთან დაკავშირებით. თუმცა, თანაგუნდელების შეურაცხყოფა, მორალური და ეთიკური პრინციპების დარღვევა და პოლიტიკური გუნდისთვის ზიანის მიყენება სცილდება შიდაპარტიული გამოხატვის თავისუფლების ყოველგვარ ზღვარს. "აღნიშნული გარემოებების გათვალისწინებით, ქართული ოცნება - დემოკრატიული საქართველოს სამდივნო ერთხმად ადგენს, პარტიიდან გაირიცხოს ქართული ოცნება - დემოკრატიული საქართველოს წევრი, დავით ჭიჭინაძე,“ - აღნიშნულია სამდივნოს გადაწყვეტილებაში. გადაწყვეტილებას ხელს აწერს ქართული ოცნების სამდივნოს ხუთივე წევრი: კახა კალაძე, გენერალური მდივანი; ირაკლი კობახიძე, აღმასრულებელი მდივანი; გიორგი ვოლსკი, პოლიტიკური მდივანი; თამარ ჩუგოშვილი, საერთაშორისო მდივანი; დიმიტრი სამხარაძე, რეგიონული მდივანი.  support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-07/1531928459.jpg ghn.ge სახალხო დამცველის 303 რეკომენდაციიდან 226 გათვალისწინებულია, რაც რეკორდული მაჩვენებელია - სოფო კილაძე http://ghn.ge/com/news/view/208424/ მნიშვნელოვანია, რომ სახალხო დამცველის 303 რეკომენდაციიდან 226 გათვალისწინებულია, რაც წინა წლებთან შედარებით, რეკორდული მაჩვენებელია, - ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძემ განაცხადა. მისი თქმით, ყველაზე მეტი რეკომენდაცია სწორედ სოციალური და ეკონომიკური უფლებების დაცვას ეხება. „ეს იმას ნიშნავს, რომ სახალხო დამცველის ინსტიტუტსა და იმ რეკომენდაციებს ძალიან სერიოზულად აღვიქვამთ, რომელსაც სახალხო დამცველი გასცემს. ახალი სახალხო დამცველის პირობებში დოკუმენტი ხარისხობრივად გაუმჯობესებულია. რაც შეეხება აქცენტებს, ყველაზე მეტი რეკომენდაცია სწორედ სოციალური და ეკონომიკური უფლებების დაცვას ეხება. ეს კიდევ ერთხელ იმას ადასტურებს, რომ ჩვენს ქვეყანაში უმთავრესი გამოწვევა სიღარიბეა და ამ მიმართულებით მუშაობა უნდა გავაგრძელოთ”, – განაცხადა კილაძემ. ცნობისთვის, პარლამენტი ქვეყანაში ადამიანის უფლებათა მდგომარეობის თაობაზე სახალხო დამცველის 2017 წლის ანგარიშს მოისმენს. დეპუტატებს დოკუმენტს სახალხო დამცველი ნინო ლომჯარია ხვალინდელ რიგგარეშე სხდომაზე წარუდგენს, რის შემდეგაც საკანონმდებლო ორგანო კენჭს ადამიანის უფლებათა დაცვის კომიტეტის მიერ მომზადებულ დადგენილების პროექტს უყრის. support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-07/1531925209.jpg ghn.ge საქართველოს ისტორიაში პოლიტიკური მოტივით დევნის ფურცელი უნდა დაიხუროს - გიგა ბოკერია http://ghn.ge/com/news/view/208423/ საქართველოს ისტორიაში პოლიტიკური მოტივით პოლიტიკური ლიდერების დევნის ეს ფურცელი უნდა დაიხუროს, ეს სჭირდება ქვეყანას, – ამის შესახებ „ევროპული საქართველოს“ ლიდერმა გიგა ბოკერიამ საქართველოს ყოფილი პრეზიდენტის მიხეილ სააკაშვილის განაჩენთან დაკავშირებით განაცხადა. „ჩვენი მთავარი გამოწვევაა, რომ ჩვენ გვყავს მთავრობა, ივანიშვილის გუნდი, რომელიც 6 წლის თავზე ხელისუფლებაში ყოფნისა არის კონცენტრირებული ამაზე. სხვა არაფერი სათქმელი რეალურად არა აქვს, გარდა ჩავარდნებისა. ეს არის პრობლემა და ამას არჩევნების გზით წერტილი უნდ დავუსვათ”, – განაცხადა გიგა ბოკერიამ. ცნობისთვის, თბილისის სააპელაციო სასამართლომ მიხეილ სააკაშვილის საქმეზე პირველი ინსტანციის გადაწყვეტილება დღეს ძალაში დატოვა. support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-07/1531924974.jpg ghn.ge 32 წლის ანა მამულაშვილს დახმარება ესაჭიროება - მას ავთვისებიანი მელანომას რეციდივი დაუდგინდა http://ghn.ge/com/news/view/208422/ 32 წლის ანა მამულაშვილს თურქეთში ჩატარებული კვლევებით დაუდგინდა ავთვისებიანი მელანომას რეციდივი, მრავლობოთი მეტასტაზებით ფილტვებზე, ღვიძლზე, საშვილოსნოსა და კაუდალურ წილში. ექიმებმა ანას გამოჯანრთელების იმედი მისცეს. დაენიშნა Target თერაპია (ტაბლეტური მკურნალობა) ხანგრძლივი ვადით. ამ მეთოდით მკურნალობა და დანიშნული სხვადასხვა სახის კვლევის ჩატარება, წლის განმავლობაში მინიმუმ 113 360 ლარი ჯდება. მკურნალობის ხანგრძლოვობა კი, დამოკიდებულია მკურნალობის შედეგზე, ამიტომ ამ თანხის მობილიზება ანას სიცოცხლის გადასარჩენად ძალიან მნიშვნელოვანია. თანხის შეგროვებას ვცდილობთ ყველანაირი გზით და მეთოდით, როგორც სახელმწიფო სტრუქტურებთან, ასევე ბიზნეს სექტორთან ურთიერთობით, თუმცა ერთი წლის მკურნალობის თანხა ჯერ ვერ შევაგროვეთ. იქიდან გამომდინარე, რომ მედიკამენტების ყიდვა ყოველთვიურად არის საჭირო, პროცესს მივყვებით ფეხდაფეხ და ვცდლობთ ანას მკურნალობის კურსი არ ჩაუვარდეს. ანამ დანიშნული მედიკამენტები Mekinist 2 მგ. და Tafinlar 75 მგ. უნდა მიიღოს ყოველდღიურად. 2-ვე პრეპარატი თვის განმავლობაში ჯდება 7500 ლარი, არ იყიდება საქართველოში და სპეციალური შეკვეთით ჩამოაქვთ სხვადასხვა სააფთიაქო ქსელებს, შეკვეთიდან 3 კვირაში. ასევე, 3 თვეში ერთხელ საჭიროა თურქეთში გამგზავრება, კვლევების და დამატებითი ანალიზების ჩატარება, რომლის ღირებულებაც საერთო ჯამში, დაახლოებით 2000 ევროს შეადგენს. (5840 ლარი). ანალოგიური კვლევა ტარდება თბილისშიც, თუმცა აქ გაკეთებული მაგნიტო რეზონანსული კვლევისას (მუცლის ღრუსა და მცირე მენჯზე) ანას დამამშვიდებელი დასკვნა გამოატანეს. „თოდუას კლინიკაში“ ჩატარებული კვლევისას, მუცლის ღრუში ვერ მოხდა ვერცერთი მეტასტაზის აღმოჩენა. სამწუხაროდ, საპირისპირო დაფიქსირდა თურქეთში. მხოლოდ საწყის ეტაპზე, სამი თვის განმავლობაში, მედიკამენტებისა და გამოკვლევისთვის საჭიროა 28 340 ლარი. ანამ მკურნალობა 7 ივლისიდან დაწყო, ამ დროისთვის საჭირო მედიკამენტების შესაძენად თანხა ჯანდაცვის სამინისტრომ დაუფინანსა. 7 აგვისტოს მისაღები მედიკამენტების შესაძენად საჭირო თანხის ნაწილი (5500 ლარის ოდენობით) თბილისის მუნიციპალიტეტის მერიამ დააფინანსა. თუმცა, ხანგრძლივი მკურნალობის სრულფასოვნად ჩატარებისთვის, ეს თანხები საკმარისი არ არის. ანამ კანის ავთვისებიანი მელანომა 5 წლის წინ აღმოაჩნდა. დღესაც ვაგრძელებთ სოცოცხლისთვის ბრძოლას, მაგრამ ამ შემთხვევაში, საზოგადოების დახმარება გვჭირდება. ანა მებრძოლი და სოცოცხლით სავსე ადამიანია. კანის ავთვისებიანი მელანომა 2013 წელს აღმოაჩნდა და გაუკეთდა ოპერაცია. თურქეთში ჩაუტარდა ლიმფური კვანძების ბიოფსია და სიმსივნის მეტასტაზები არ აღმოაჩნდა. სამედიცინო ცენტრ „ანადოლუს“ (თურქეთი, სტამბოლი) ონკოლოგის დანიშნულებით ჩაიტარა ძვირადღირებული იმუნოთერაპია. (ინტერფერონი-„ინტრონ ა“, კვირაში 3 ჯერ). იმყოფებოდა ინკოლოგის მუდმივი დაკვირვების ქვეშ და 3 თვეში ერთხელ უტარდებოდა საკონტროლო კვლევები. კვლევებმა აჩვენა, რომ ანა ჯანმრთელი იყო. მან ავთვისებიან სიმსივნესთან ბრძოლა მოიგო. 2015 წელს ანამ გაიგო, რომ ანდრე უნდა გაჩენილიყო. მიუხედავად, იმისა, რომ გარკვეული რისკი არსებობდა და მის ადგილას ბევრი სტანდარტულ გადაწყვეტილებას მიიღებდა, ანამ უარი თქვა ახალი სიცოცხლის ხელყოფაზე და შვილი მაინც გააჩინა. ანა მამულაშვილი 32 წლის არის, ჰყავს მეუღლე და 2 შვილი: 12 წლის მია და 2 წლის ანდრე. ორი შვილის დედა დაუღალავად იბრძვის სიცოცხლისთვის და მას ჩვენი დახმარება სჭირდება. ის პროფესიით ჟურნალისტია. წლების განმავლობაში სხვადასხვა ტელევიზიის თანამშრომელი იყო. მუშაობდა ტელეკომპანია „იმედში“, საინფორმაციო გამოშვების „ქრონიკის“ ჟურნალისტად. ასევე, სამაუწყებლო კომპანია „რუსთავი 2“ის გასართობი გადაცემების კოორდინატორად. ტელეკომპანია GDS-ში მუსიკალური შოუს „ერთი-ერთში“ და დილის გადაცემის წამყვანი იყო. ნებისმიერი თანხა, რომელიც ანას ხანგრძლივი მკურნალობის მანძილზე გამოჯანმრთელებაში დაეხმარება, მისთვის, მისი შვილებისთვის, ოჯახისთვის და მეგობრებისთვის ძალიან მნიშვნელოვანია. ამიტომ გთხოვთ, გვერდში დაგვიდგეთ და დაგვეხმაროთ ჩვენი ანის გადარჩენაში. #ჩვენიანისთვის ანგარიშის ნომრები: თიბისი ბანკისაბანკო კოდი - TBCBGE 22 ანგარიში: GE73TB7192345063300002 საქართველოს ბანკი საბანკო კოდი - BAGAGE 22 ანგარიში: GE31BG0000000101246233 მიმღები - ანა მამულაშვილი N 01009018536 support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-07/1531924049.jpg ghn.ge მიხეილ გიორგაძე განათლების, მეცნიერების, კულტურისა და სპორტის მინისტრის პირველ მოადგილედ დაინიშნა http://ghn.ge/com/news/view/208421/ კულტურისა და სპორტის ყოფილი მინისტრი მიხეილ გიორგაძე საქართველოს განათლების, მეცნიერების, კულტურისა და სპორტის მინისტრის პირველ მოადგილედ დაინიშნა. ცნობისთვის, კულტურისა და სპორტის სამინისტრო განათლების სამინისტროსთან შეერთების შემდეგ გაუქმდა. გაერთიანებული უწყების მინისტრს მიხეილ ბატიაშვილს სულ 7 მოადგილე ეყოლება: მიხეილ გიორგაძე (პირველი მოადგილე), ლია გიგაური, თეიმურაზ მურღულია, ალექსანდრე თევზაძე, ლევან ხარატიშვილი, შალვა გოგოლაძე და ირინე აბულაძე.  support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-07/1531923763.jpg ghn.ge გაიცანი საქართველო- ფშავ-ხევსურეთში http://ghn.ge/com/news/view/208420/ ფშავ-ხევსურეთის ტურისტული პოტენციალის გასაცნობად სხვადასხვა მედიასაშუალებების წარმომადგენლებისათვის პრესტური მოეწყო. ეკონომიკის სამინისტროს ტურიზმის ეროვნული ადმინისტრაციის ორგანიზებით, კამპანია ,,გაიცანი საქართველოს“ ფარგლებში სხვადასხვა ტელეკომპანიებისა და გამოცემების ჟურნალისტებისა და ოპერატორებისათვის ფშავ-ხევსურეთში სამდღიანი ტური გაიმართა. პრესტურში მედიასაშულებების 30-მდე წარმომადგენელი მონაწილეობდა. ტურის პირველ დღეს ჟურნალისტებმა და ოპერატორებმა ფშავში ვაჟა-ფშაველას სახლ-მუზეუმი და სახლი მოინახულეს, ასევე სოფელ ჩარგალში ადგილობრივი ხელნაკეთი ნივთები დათვალიერეს. ჟურნალისტებისთვის მოეწყო ხინკლის მასტერკლასი და დამბალ-ხაჭოს დეგუსტაცია. შემდეგ ისინი გაიმგზავრნენ სოფელი კორშაში, სადაც ეთნოგრაფიული მუზეუმი - კოშკი და საზაფხულო სკოლა “არტ ჰაუსი” დაათვალიერეს. შატილისკენ გზად დათვისჯვრის უღელტეხილი, ლებაისკარის კოშკი მოინახულეს. მეორე დღეს მედიის წარმომადგენლები შატილიდან სოფელ მუცოში გაემგზავრნენ, გზად ანატორის აკლდამები და რეაბილიტირებული მუცო დაათვალიერეს. შიდა ტურიზმის პოპულარიზაციის მიზნით, ტურიზმის ეროვნულმა ადმინისტრაციამ კამპანია „გაიცანი საქართველო“ 2015 წელს დაიწყო. პროექტის მიზანია საქართველოს ტურისტული პოტენციალის წარმოჩენა და შიდა ტურიზმის პოპულარიზაცია.   support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-07/1531923653.jpg ghn.ge კვიპროსის მისადგომებთან მიგრანტებით სავსე გემი ჩაიძირა http://ghn.ge/com/news/view/208419/ გემი რომელზეც 150-მდე მიგრანტი იმყოფებოდა, ხმელთაშუა ზღვაში ჩრდილოეთ კვიპროსზე ჩაიძირა. დაიღუპა 19 ადამიანი, 25 დაკარგულად ითვლება. იუწყება თურქული სააგენტო. მისი ცნობით, მოცემულ მომენტში სპეცსამსახურის თანამშრომლებმა მოახერხეს 103 ადამიანის გადარჩენა. ისინი   თურქეთის საავადმყოფოში გადაიყვანეს.  თურქულ მედიაზე დაყრდნობით, სამძებრო სამაშველო ოპერაციებში მონაწილეობას იღებს თურქეთის და ჩრდილოეთ კვიპროსის სანაპიროს დაცვა და კერძო გემბი. support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-07/1531923088.jpg ghn.ge