RSS - http://ghn.ge ghn.ge ge-GE Copyright by ghn.ge 2018 support@ghn.ge RSS 2.0 generation class 20 ნოემბერს, „საქართველოს მწარმოებელთა ფედერაციის” მხარდაჭერით მე-6 ბიზნესფორუმი გაიმართება http://ghn.ge/com/news/view/215353/ 20 ნოემბერს, 10:00  საათზე  გამოფენების და კონფერენციების  ორგანიზატორი კომპანია “ექსპო გეო”-სთან თანამშრომლობით, “საქართველოს დამსაქმელებთა ასოციაციის” და“საქართველოს მწარმოებელთა ფედერაციის” მხარდაჭერით  მე-6 ბიზნესფორუმი გაიმართება.  ბიზნეს ფორუმის ძირითადი მიმართულებებია:•         კვების პროდუქტები, საკონდიტრო ნაწარმი;•         კვლევა და განვითარება ბიოტექნოლოგიის სფეროში;•         კვების მრეწველობა;•         შესაფუთი მასალები და დანადგარები;•         დანადგარები და ტექნოლოგიები სოფლის მეურნეობისათვის, მეცხოველეობისათვის;•         ბოსტნეულის კულტივირება და დამუშავება ღია და დაცულ სივრცეში.საქმიანი მისიის პროგრამაში გაიმართება კონფერენცია და B2B შეხვედრები სოფლის მეურნეობის, კვების მრეწველობის, სასმელების და ტექნოლოგიების სფეროში მოღვაწე კომპანიებთან. support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-11/1542266129.jpg ghn.ge თიბისი ბანკის ბიზნესდაჯილდოება 2018-ის ფინალისტები გამოვლინდნენ http://ghn.ge/com/news/view/215352/ თიბისი ბანკის ბიზნესდაჯილდოება 2018-ის ფინალისტი კომპანიების ვინაობა ცნობილია. 6 ნომინაციის 18 ფინალისტის სია ასე გამოიყურება: წლის ბიზნესი: „კენარი“ „გროს ენერჯი გრუპი“ „ევროპის უნივერსიტეტი“ წლის ქართული პროდუქტი: „ჰერბია“ „გეფერინი“ „ნეოფარმი“  წლის სტარტაპი: „თიერსი“ „აპოლო 11“ Welcome to Georgia - the Musical წლის ტურისტული ბიზნესი: “ალტიტუდა” „წისქვილი  ჯგუფი“ „Ecotours Georgia“ წლის ქალი მეწარმე: „სანტა“ „პანკისი ქემფინგ“ რადიო-ჰოლდინგი „ფორტუნა“ ბიზნესი დადებითი გავლენისთვის: „ფაბრიკა 1900“ „ჯეო მულჩი“ „ანტრე“ ფინალისტი კომპანიების შესახებ დეტალური ინფორმაციის მისაღებად, ეწვიეთ ვებ-გვერდს:  https://www.businessaward.ge/ka/businessaward-2018 გამარჯვებულების გამოვლენამდე, 18 ბიზნესი თიბისის დაგეგმილ ერთთვიან კამპანიაში ჩაერთვება, რომელიც მათ PR მხარდაჭერას, ასევე ციფრულ და ტრადიციულ მედია არხებში გაშუქებას უზრუნველყოფს. აქტიური კამპანიის ფარგლებში საზოგადეობა ფინალისტი კომპანიების ისტორიისა და ბიზნესსაქმიანობის შესახებ შეიტყობს, რაც ბაზარზე მათი ცნობადობის გაზრდას შეუწყობს ხელს. წელს პირველად, ბიზნესდაჯილდოების გამარჯვებულებისათვის სამი კატეორიის ჯილდოა დაწესებული. გამარჯვებული კომპანიები საკუთარი ბიზნესსაჭიროებიდან გამომდინარე თავად აირჩევენ სამიდან ერთ-ერთს: ციფრულ სტრატეგიასა და ახალ ვებ-გვერდს, ბრენდ სტრატეგიასა და საიმიჯო კამპანიას, ან პროგრამულ უზრუნველყოფას. ბიზნეს დაჯილდოების მთავარი პარტნიორია ევროპული ფონდი სამხრეთ-აღმოსავლეთ ევროპისთვის - EFSE. პროექტის დანარჩენი 3 პარტნიორი თითო ნომინაციას წარადგენს: ევროპის რეკონსტრუქციისა და განვითარების ბანკი - EBRD წლის ქალ მეწარმეს, სააგენტო „აწარმოე საქართველოში“ კი წლის ქართულ პროდუქტს დააჯილდოებს. Impact Hub Tbilisi ნომინაციას - „ბიზნესი დადებითი გავლენისთვის“ წარადგენს. დამოუკიდებელი ჟიური 18 ფინალისტიდან 6 გამარჯვებულს დეკემბერში გამოავლენს. ბიზნესსფეროში ყველაზე მასშტაბური დაჯილდოება უკვე მესამე წელია ტარდება. საქართველოში ბიზნესის მხარდაჭერასა და  ბიზნესსოციუმის განვითარებას ემსახურება. ასევე ბიზნესის კეთებას უწევს პოპულარიზაციას. პლატფორმამ 2 წლის მანძილზე 1200-მდე წევრი გააერთიანა, რომლებმაც საკუთარი წარმატების ისტორია მთელს საქართველოს გაუზიარეს.   support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-11/1542265748.jpg ghn.ge უფრო მისასალმებელი იქნებოდა, რომ არჩევნები დანიშნულიყო შაბათ-კვირას - ნინო ლომჯარია http://ghn.ge/com/news/view/215351/ უფრო მისასალმებელი იქნებოდა, რომ არჩევნები დანიშნულიყო შაბათ-კვირას, - ამის შესახებ სახალხო დამცველმა ნინო ლომჯარია საპრეზიდენტო არჩევნების მეორე ტურის 28 ნოემბერს დანიშვნასთან დაკავშრებით განაცხადა.მისი თქმით, რა თქმა უნდა, ძალიან მნიშვნელოვანია, რომ საზღვარგარეთ მყოფმა მოქალაქეებმა მისცენ ხმა და ამის საშუალება მათ სწორედ შაბათ-კვირას აქვთ ძირითადად, თუმცა ასევე უნდა მოხდეს გათვალისწინება, რომ ქვეყანაში არსებობს საკმაოდ მაღალი შიდა მიგრაციაც და მოქალაქეებს უწევთ შორ დისტანციაზე წასვლა იმისთვის, რომ ხმა მისცენ იქ, სადაც ისინი არიან რეგსტრირებულნი, რისი საშუალებაც სწორედ შაბათ-კვირას უფრო მეტად არის, ვიდრე ერთი დღის განმავლობაში, თუნდაც ერთი დღე გამოცხადდეს უქმედ.  „ამიტომ, უფრო მაღალი მონაწილეობის უზრუნველსაყოფად საარჩევნო უბნების რეალიზაციის თვალსაზრისით, რა თქმა უნდა, უკეთესია იყო და მე რამდენადაც ვიცი, კანონიც იძლეოდა ამის საშუალებას, რომ არჩევნები დანიშნულიყო შაბათ-კვირას. ამიტომ, სამწუხაროა, რომ ასე მოხდა და იმედს ვიტოვებ, რომ ეს ნეგატიურად არ აისახება მათ შორის ამომრჩევლის აქტივობაზე არჩევნების დღეს, თუმცა უფრო მისასალმებელი იქნებოდა, რომ არჩევნები დანიშნულიყო შაბათ-კვირას",- განაცხადა ლომჯარიამ. support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-11/1542265747.jpg ghn.ge საგამოძიებო სამსახურმა უაქციზო სიგარეტის გაადაზიდვის ფაქტი გამოავლინა http://ghn.ge/com/news/view/215350/ საქართველოს ფინანსთა სამინისტროს საგამოძიებო სამსახურის თანამშრომლებმა, შემოსავლების სამსახურის საბაჟო დეპარტამენტის წარმომადგენლებთან კოორდინაციით, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, აქციზური მარკის სავალდებულო დართვას დაქვემდებარებული განსაკუთრებით დიდი ოდენობით საქონლის - სიგარეტის აქციზური მარკის გარეშე გადაზიდვის ფაქტი გამოავლინეს. გამოძიებით დადგინდა რომ აზერბაიჯანის მოქალაქე, მისივე მართვის ქვეშ არსებული ავტოსატრანსპორტო საშუალებით, საბაჟო გამშვები პუნქტის ,,ყაზბეგის“ გავლით, ცდილობდა რუსეთის ფედერაციის მიმართულებით გაეტანა არადეკლარირებული უაქციზო სიგარეტი. ოფიციალური დოკუმენტაციის თანახმად, ავტოსატრანსპორტო საშუალებით უნდა განხორციელებულიყო  21 ტონა ყურძნის გადაზიდვა, თუმცა შემოწმების შედეგად აღმოჩნდა, რომ  ავტომობილით განსაკუთრებით დიდი ოდენობით - 90 180 კოლოფი უცხოური წარმოების უაქციზო სიგარეტის ტრანსპორტირება ხდებოდა. საგამოძიებო მოქმედებების შედეგად ამოღებული უაქციზო სიგარეტის საბაზრო ღირებულება 234 468 ლარს შეადგენს. გამოძიება მიმდინარეობს საქართველოს სისხლის სამართლის კოდექსის მე-200 მუხლის მე-3 ნაწილით, რაც სასჯელის სახით ითვალისწინებს თავისუფლების აღკვეთას 6-დან 8  წლამდე ვადით. support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-11/1542265578.jpg ghn.ge სურსათის ეროვნულმა სააგენტომ არასამთავრობო სექტორს საქმიანობის შედეგები გააცნო http://ghn.ge/com/news/view/215349/ სურსათის ეროვნულმა  სააგენტომ  არასამთავრობო ორგანიზაციებთან საკუთარი საქმიანობის შედეგები განიხილა. სააგენტოსთან არსებული „სამოქალაქო დარბაზის“ მე-11 სხდომაზე  დარბაზის წევრებმა  სურსათის უვნებლობის, ვეტერინარიის და მცენარეთა დაცვის კუთხით განხორციელებულ პროექტებზე, შედეგებზე, რეგულაციებსა  და აქტუალურ საკითხებზე იმსჯელეს. „სამოქალაქო დარბაზის“ სხდომა სურსათის ეროვნული სააგენტოს უფროსმა ზურაბ ჩეკურაშვილმა გახსნა. აღინიშნა, რომ „სამოქალაქო დარბაზის“ ფორმატი იძლევა საკითხების დისკუსიის ფორმატში განხილვის  და ქმედითი ღონისძიებების განხორციელების   საშუალებას, აგრეთვე   უზრუნველყოფს  სააგენტოს საქმიანობის გამჭვირვალობას. „სამოქალაქო დარბაზი“ სურსათის ეროვნული სააგენტოს ინიციატივით 2013 წელს შეიქმნა  და  არასამთავრობო ორგანიზაციების, სამეცნიერო წრეების და დარგობრივი ასოციაციების წარმომადგენლებს აერთიანებს. support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-11/1542265131.jpg ghn.ge Wizz Air-ი „ვარდისფერი“ პარასკევის სპეციალურ შეთავაზებას აანონსებს http://ghn.ge/com/news/view/215348/ ევროპაში ყველაზე სწრაფად მზარდი ავიაკომპანია Wizz Air „ვარდისფერი“ პარასკევის სპეციალურ შეთავაზებას აანონსებს და 11-55 მოგზაური ადამიანისგან შემდგარ ჯგუფებს 2018 წლის 15-22 ნოემბერს დაჯავშნულ ყველა რეისზე 10%-იან ფასდაკლებას სთავაზობს. Wizz Air მუდმივად ცდილობს, მომხმარებლებს მოგზაურობის საუკეთესო შესაძლებლობები შესთავაზოს. თუ თქვენ ოჯახთან ერთად მოგზაურობას გეგმავთ, ან სულაც ბოლო წუთს მეგობრებთან ერთად ჯგუფური დასვენება გადაწყვიტეთ, Wizz Air-ის ფართო ქსელი მრავალფეროვან არჩევანს გთავაზობთ. რატომაც არ უნდა გაექცეთ კლებად ტემპერატურას და აღმოჩნდეთ თბილ, მზიან ზამთარში?! ან პირიქით, იქნებ ზამთრის კურორტებზე მოგზაურობა უფრო მოგწონთ და დროა, Wizz Air-ის შესაბამისი მიმართულებები დავჯავშნოთ?! მგზავრებს შესაძლებლობა აქვთ, ისარგებლონ წლის ყველაზე დიდი ფასდაკლებით  და ახალი მოგზაურობა დაგეგმონ Wizz Air-ის საქართველოს ქსელში დღეს არსებული 21 მიმართულებიდან 14 ქვეყნის მასშტაბით, მათ შორის ბერლინში, ვენაში, რომში, ბუდაპეშტში, ვარშავასა თუ პარიზში. ვინაიდან მგზავრობისთვის შესაბამისი დრო ყოველთვის მოიძებნება, Wizz Air ენთუზიასტ მოგზაურებს, რომლებიც მომავალ სეზონზე დასვენებას გეგმავენ, აძლევს შესანიშნავ შესაძლებლობას, ავიაკომპანიის სუპერ დაბალი ფასებით მეგობრებთან ერთად ისარგებლონ, 10%-იანი ფასდაკლებით დაჯავშნონ ბილეთები ყველა მიმართულებით და ზამთრის დასვენების დღეები დაუვიწყარ მოგონებად აქციონ. 10%-იანი ფასდაკლებით სარგებლობა შეუძლიათ 11-დან 55-მდე ადამიანისგან დაკომპლექტებულ ჯგუფებს. შესაბამისად, თუ თქვენ ოჯახისთვის განსაკუთრებული სურპრიზის მოწყობას გეგმავთ, ან, უბრალოდ, ისწრაფვით ცვლილებებისკენ და, მეგობრებსა თუ კოლეგებთან ერთად, მრავალფეროვანი კულტურის, ისტორიისა თუ სამზარეულოს მქონე  განსხვავებული ქალაქების აღმოჩენა გსურთ, სწორედ ახლა არის დრო, რომ გადმოწეროთ WIZZ მობილური აპლიკაცია ან ესტუმროთ ვებ-გვერდს www.wizzair.com, მოამზადოთ სამგზავრო ჩემოდანი და Wizz Air-ის ბორტზე ახვიდეთ. 10%-იანი ფასდაკლების შეთავაზება მოქმედებს ჯგუფურ ჯავშნებზე და ეხება აეროპორტის მოსაკრებელსა თუ გადასახადებსაც, თუმცა მასში არ მოიაზრება ფასდაკლება ადმინისტრაციულ საფასურზე. შეთავაზება ხელმისაწვდომია 2018 წლის 15 ნოემბრიდან 22 ნოემბრის 24:00 საათამდე. ფასდაკლებით სარგებლობისთვის, საჭიროა, ბილეთი დაიჯავშნოს wizzair.com-ზე. ფასდაკლებით სარგებლობა შეუძლიათ 11-55 ადამიანისგან შემდგარ ჯგუფებს, რომლებიც არ მიეკუთვნებიან სტუდენტებისა და პენსიონერების ჯგუფების კატეგორიას. შეთავაზება ეხება მხოლოდ იმ ჯავშნებს, რომელთა ფასიც ავტომატურად გამოჩნდება და არა მგზავრის მიერ ტარიფის გახსნის მოთხოვნის შესაბამისად.  მოგზაურობის პერიოდი შეზღუდულია და მომხმარებლებს საშუალება აქვთ, დაჯავშნონ მაქსიმუმ 2019 წლის 31 მარტს დაგეგმილი რეისი. ავიაკომპანია Wizz Air არის ცენტრალური და აღმოსავლეთ ევროპის უმსხვილესი დაბალბიუჯეტიანი ავიაკომპანია, რომლის საჰაერო ფლოტი მოიცავს 105 ეარბას A320 და A321 ტიპის საჰაერო ხომალდს. ავიაკომპანია მომხმარებელს სთავზობს ავიარეისებს 600-ზე მეტი მიმართულებით 25 ბაზირებული აეროპორტიდან, რითაც ერთმანეთთან აკავშირებს 44 ქვეყნის 142 ქალაქს. Wizz Air-ის გუნდი, რომელიც დაახლოებით 4,000 ავიაციის პროფესიონალისაგან შედგება, მომხმარებელს სთავაზობს უმაღლესი ხარისხის სერვისს და ბილეთებს ყველაზე დაბალ ფასად, რის გამოც Wizz Air ბოლო 12 თვის განმავლობაში 32 მილიონზე მეტმა მგზავრმა აირჩია.  ავიაკომპანია Wizz Air წარმოდგენილია ლონდონის საფონდო ბირჟაზე WIZZ ტიკერით და ასახულია FTSE 250 და FTSE-ის ჯამურ აქციათა ღირებულების ინდექსით. Wizz Air დარეგისტრირებულია საერთაშორისო საჰაერო ტრანსპორტის ასოციაციის (IATA) წევრად და აღიარებულია ოპერირების უსაფრთხოების აუდიტის (IOSA) მიერ. ავიაკომპანია დასახელებულია 2016 წლის საუკეთესო დაბალბიუჯეტიან ავიაკომპანიად წამყვანი საავიაციო ჟურნალის Air Transport World-ის რედაქტორების, და ასევე ავიაციის ცენტრის (CAPA)-ს მიერ.  ახლახანს ავიაკომპანიას AirlineRatings.com-ზე უსაფრთხოების ყველაზე მაღალი რეიტინგი, 7 ვარსკვლავი მიენიჭა. AirlineRatings.com მსოფლიოში ერთადერთი სააგენტოა, რომელიც ავიაკომპანიების უსაფრთხოებისა და მათი მომსახურების რეიტინგებს აერთიანებს. ასევე ახლახანს Aviation 100-მა, გამოცემამ, რომელიც ყოველწლიურად განსაკუთრებულ კომპანიებს გამოარჩევს, Wizz Air წლის ევროპულ ავიაკომპანიად დაასახელა. www.wizzair.com.   support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-11/1542264915.jpg ghn.ge ნათია თურნავა - 2013 წლიდან დღემდე ქვეყნის გაზიფიცირების ტემპი, პრაქტიკულად, გასამმაგდა http://ghn.ge/com/news/view/215346/ საქართველოს სოფლების გაზიფიკაციის პროექტის ფარგლებში, ეკონომიკისა და მდგრადი განვითარების მინისტრის მოადგილე ნათია თურნავამ ვანის მუნიციპალიტეტის სოფლებში ზედაგორასა და ზედაბზვანში გაზის გაშვების სიმბოლურ ცერემონიაში მიიღო მონაწილეობა. ამით იმერეთის მხარეში იმ სოფლების რაოდენობა, რომელთაც ბუნებრივი აირი მიეწოდებათ, 287-მდე გაიზარდა. სულ აღნიშნულ მხარეში გაზიფიცირებულია 11 მუნიციპალიტეტში 204,229 აბონენტი. ნათია თურნავასთან ერთად, გაზის ანთების სიმბოლურ ცერემონიაში ასევე მიიღეს მონაწილეობა იმერეთის მხარეში სახელმწიფო რწმუნებულმა - გუბერნატორმა შავლეგო ტაბატაძემ, კომპანია „სოკარ ჯორჯია გაზის“ გენერალურმა დირექტორმა აზერ მამადოვმა და „გაზის ტრანსპორტირების კომპანიის“ დირექტორმა ჯაბა ხმალაძემ. „2013 წლიდან სახელმწიფომ დაიწყო გაზიფიცირების პროგრამა და კერძო კომპანიებთან ერთად ჩაერთო ძალიან აქტიურ გაზიფიცირებაში. ამის შედეგად, 2013 წლიდან დღემდე გაზიფიცირების ტემპი პრაქტიკულად გასამმაგდა,“ - განაცხადა ეკონომიკისა და მდგრადი განვითარების მინისტრის მოადგილე ნათია თურნავამ ადგილობრივ მოსახლეობასთან შეხვედრისას. მისი თქმით, იმერეთის მხარის დიდი ნაწილი გაზიფიცირებულია და ბევრ სოფელში, რთული რელიეფის მიუხედავად, გაზის ინფრასტრუქტურის მშენებლობა წარმატებით მიმდინარეობს. ნათია თურნავას განცხადებით, სამუშაოები, რომლებიც ამჟამად რეგიონის სოფლების გაზიფიცირების მიმართულებით მიმდინარეობს, წინასწარ არსებულ გრაფიკის თანახმად, 2020 წლის ჩათვლით უნდა დასრულდეს. იმერეთის მხარეში ეკონომიკისა და მდგრადი განვითარების მინისტრის მოადგილე იმ სოფლების მოსახლეობასაც შეხვდა, სადაც გაზის ინფრასტრუქტურის მშენებლობა ჯერ არ მიმდინარეობს, თუმცა შესაბამისი პროექტი უკვე შედგენილია და სამუშაოები უახლოეს პერიოდში დაიწყება. სამშენებლო სამუშაოებს გაზის ტრანსპორტირების კომპანია ახორციელებს, რომლის თანამშრომლებიც ასეთი სოფლებში პროექტირების სამუშაოებს ახორციელებენ. ერთ-ერთი ასეთი სოფელი, სადაც ნათია თურნავა მოსახლეობას შეხვდა და მათი მოსაზრებები მოისმინა, ბაღდათის მუნიციპალიტეტის სოფელი წყალშუაა, სადაც გაზის ინფრასტრუქტურის მშენებლობასთან დაკავშირებული საპროექტო სამუშაოები 2019 წლიდან დაიწყება.   support@ghn.ge http://ghn.ge/img/uploads/news/prev/ ghn.ge ნათია თურნავა - გაზის ინფრასტრუქტურის მშენებლობის პროცესში ადგილობრივი მოსახლეები დასაქმდებიან http://ghn.ge/com/news/view/215345/ იმერეთის რეგიონში გაზიფიცირების სამუშაოებთან დაკავშირებული ვიზიტის ფარგლებში ეკონომიკისა და მდგრადი განვითარების მინისტრის მოადგილე ნათია თურნავა ტყიბულის მუნიციპალიტეტის სოფელ ორპირის მოსახლეობას შეხვდა. როგორც შეხვედრაზე გაზის ტრანსპორტირების კომპანიის წარმომადგენლებმა აღნიშნეს, გაზის ცენტრალური მაგისტრალი აღნიშნული სოფელთან საკმაოდ ახლოს მდებარეობს, ამდენად, მისი ჩართვა გაზის ქსელსა და შესაბამისი ინფრასტრუქტურის მშენებლობა შედარებით მოკლე პერიოდშია შესაძლებელი. ამასთან, ნათია თურნავამ აღნიშნა, რომ სამშენებლო სამუშაოების დროს დასაქმებულთა დიდი ნაწილი ადგილობრივი მუშახელი იქნება, რაც დამატებითი სარგებელი იქნება ტყიბულის მუნიციპალიტეტისთვის.  როგორც მინისტრის მოადგილემ მოსახლეობასთან შეხვედრისას განაცხადა, 2019-2021წწ. სამწლიანი გეგმის მიხედვით იმერეთის რეგიონში 18 სოფელში დაიწყება გაზიფიცირებისათვის საჭირო სამუშაოები, რომლის დასრულების შემდეგ კიდევ 2979 კომლს მიეცემა ბუნებრივი გაზის ქსელში ჩართვის შესაძლებლობა. ამჟამად გაზიფიცირებისათვის საჭირო სამუშაოები მიმდინარეობს თერჯოლის  მუნიციპალიტეტის  სოფელ ჩიხორში. გაზიფიცირების შედეგად ბუნებრივი გაზის ქსელში ჩართვას შეძლებს 145კომლი. პროექტის ფარგლებში აიგება 8067გრძივი მეტრი გაზსადენი. გაზიფიცირებისათვის საჭირო სამუშაოები მიმდინარეობს ასევე წყალტუბოს  მუნიციპალიტეტის  4 სოფელში: ქვედა და ზედა მესხეთი, ბროწეულას დასახლებასა და მუხიანში. გაზიფიცირების შედეგად ბუნებრივი გაზის ქსელში ჩართვას შეძლებს 1291 კომლი. პროექტის ფარგლებში აიგება 64,575 გრძივი მეტრი გაზსადენი. ნათია თურნავასთან ერთად იმერეთის რეგიონში გაზიფიცირების დასრულებული სამუშაოები და ასევე ინფრასტრუქტურის მიმდინარე მშენებლობები იმერეთის მხარეში სახელმწიფო რწმუნებულმა - გუბერნატორმა შავლეგო ტაბატაძემ, კომპანია „სოკარ ჯორჯია გაზის“ გენერალურმა დირექტორმა აზერ მამადოვმა და „გაზის ტრანსპორტირების კომპანიის“ დირექტორმა ჯაბა ხმალაძემ დაათვალიერეს.   support@ghn.ge http://ghn.ge/img/uploads/news/prev/ ghn.ge იქცევა თუ არა საქართველო ამერიკის „ჩაუძირავ ავიამზიდად“? http://ghn.ge/com/news/view/215347/ საარჩევნო ბატალიების ფონზე, საქართველოში თითქმის არავინ მიაქცია ყურადღება (სამაგიეროდ, მაშინვე შენიშნეს რუსეთში)  ძალიან მნიშვნელოვან შეთანხმებას თბილისსა და ვაშინგტონს შორის - სამხედრო სფეროში თანამშრომლობის გაღრმავების თაობაზე: თავდაცვის მინისტრმა ლევან იზორიამ და აშშ „სატრანსპორტო სარდლობის“ მეთაურმა, სტივ ლაიონსმა გააფორმეს შეთანხმება დედაქალაქის მახლობლად, ვაზიანში, ახალი სამხედრო აეროდრომის მშენებლობაზე. მართალია აქ ჯერ კიდევ 1940 წლიდან იყო „საბჭოთა“, შემდეგ „რუსული“ სამხედრო აეროდრომი, მაგრამ სინამდვილეში საუბარია ახალ აეროდრომზე.  საქმე მხოლოდ ასაფრენ-დასაფრენი ბილიკის (ადფ) ამჟამინდელი 2,5 კილომეტრიდან -  3 კილომეტრამდე გაზრდაში როდია: ამერიკელები მხოლოდ საკუთარი ხელით აშენებულ ადბ თუ ანდობენ თავიანთ თვითმფრინავებს და ესეც მხოლოდ იმ შემთხვევაში, თუ მას შესაბამისი, „შეთავსებადი“ ინფრასტრუქტურა ექნება - როგორც „დამიწებული“, ასევე „ელექტრონული“ და პროგრამული. ანუ, შეიძლება ითქვას, „ვაზიანი“ შეირჩა არა იმიტომ, თითქოს ან ამერიკელები ან ქართველები რაიმენაირად „თავში იხლიან“ იქ არსებულ, დაჟანგულ, განადგურებულ, ჩაოხრებულ ინფრასტრუქტურას, არამედ თვით ადგილის (ვაზიანის) ხელსაყრელი სამხედრო-სტრატეგიული მდებარეობის გამო. ეს არც რუსებს ეშლებოდათ და სწორედ ამიტომ აირჩიეს ვაზიანი 1942 წელს: ამ ლოკაციიდან ხელმისაწვდომია სამხრეთ კავკასიის ყველა წერტილი და, რაც მთავარია, შედარებით იოლია მისი დაცვა ჰაერსაწინააღმდეგო საშუალებებით. საბჭოთა პერიოდში, ვაზიანი იქცა უძლიერესი საავიაციო დაჯგუფების ლოკაციად. იქ გადაისროლეს როგორც გამანადგურებელი ავიაცია, ასევე სადაზვერვო თვითმფრინავთა პოლკი. 1942-1992წწ.  ვაზიანს საკვანძო მნიშვნელობა ენიჭებოდა მთელი „ამიერკავკასიის სამხედრო ოლქისთვის“ - ჩრდილო ატლანტიკურ ალიანსთან სტრატეგიულ დაპირისპირებაში. ამ მხრივ აფხაზეთის გუდაუთის (ბომბორას) ბაზასაც კი აღემატებოდა, რადგან გუდაუთას ზღვა ჰყოფს NATO-ს წევრი თურქეთისგან და შესაძლო სახმელეთო ბრძოლის თეატრზე ვაზიანის ავიაციის გამოყენება უფრო მეტად იქნებოდა ხელსაყრელი 1992 წელს, სსრკ დაშლისთანავე, მოსკოვმა ვაზიანიდან ავიაცია ჩრდილო კავკასიაში გადაისროლა, მაგრამ აქ დატოვა სახმელეთო ჯარის ნაწილი და ცდილობდა ვაზიანი  სამხედრო ბაზად ექცია - თბილისის შემოგარენში. მაგრამ 1999 წლის სტამბულის შეთანხმების თანახმად, რუსებმა ეს ნაწილიც გაიყვანეს ვაზიანიდან. ბოლო რუსმა ჯარისკაცმა ვაზიანი მხოლოდ 2007 წელს დატოვა და მას შემდეგ იგი საქართველოს თავდაცვის სამინისტროს ბაზაა, სადაც ხშირად იმართება სამხედრო სწავლებები ალიანსის წევრი ქვეყნების მონაწილეობით.  ყველაზე ხშირი სტუმრები იქ ამერიკელები არიან. . . . . . . . . . . . . . . . . . . . . . . . . . . . . . . . რატომ არის ეს ყოველივე განსაკუთრებით მნიშვნელოვანი? პირველ რიგში დავაკვირდეთ რომელი ამერიკული უწყება აფორმებს შეთანხმებას და იღებს ვალდებულებას სამხედრო აეროდრომის (!) მშენებლობაზე: „სატრანსპორტი სარდლობა“! ანუ, პენტაგონის ყველაზე დიდი და მნიშვნელოვანი ლოგისტიკური დეპარტამენტი: თვით ამერიკული არმიის სპეციფიკიდან გამომდინარე, როდესაც ამერიკული ბაზები და სხვადასხვა ქვედანაყოფები მთელს მსოფლიოში არიან მიმობნეული, სწორედ ეს „დეპარტამენტი“ ახორციელებს საშუალოვადიან და გრძელვადიან პოლიტიკას იმ ინფრასტრუქტურის შექმნის თვალსაზრისით, რაც ამა თუ იმ რეგიონში ამერიკული სამხედრო „ყოფნის“ დამკვიდრებასა და „გაძლიერებას“ ემსახურება. სხვაგვარად თუ ვიტყვით, აბსოლუტურად გამორიცხულია, ამ აეროდრომის მშენებლობა (რაც საკმაოდ დიდი თანხაც დაუჯდება პენტაგონს) არ იყოს ნაწილი ამერიკის სამხედრო-პოლიტიკური სტრატეგიისა საქართველოს მიმართ და მხოლოდ სამხედრო სწავლებებს ემსახურებოდეს: ამ მიზნით ახალი აეროდრომის მშენებლობა არ იქნებოდა  საჭირო, რადგან სამხედრო სწავლებები წელიწადში რამოდენიმეჯერ ტარდება, ხოლო ამ მიზნით (!) სამხედრო ტექნიკის თუ ცოცხალი ძალის გადმოყვანა საქართველოში ზღვითაც შეიძლება - შემდეგ კი ფოთი-თბილისის ავტობანით თუ სარკინიგზო ტრანსპორტით. ხოლო ვაზიანის შემთხვევაში უკვე საუბარია არა შეიარაღებული ძალის „გადმოყვანაზე“ (სწავლებებში მონაწილეობის  მიზნით)  არამედ სწორედ „გადმოსროლაზე“, ესე იგი უსწრაფეს რეაგირებაზე საგანგებო შემთხვევაში. გარდა ამისა, თუ წარმოვიდგენთ საოცნებოს და ამერიკა გადაწყვეტს საქართველოში (ვაზიანში) განალაგოს სამხედრო ბაზა იმ პრობლემათა გათვალისწინებით, რაც ვაშინგტონს (მათ შორის პენტაგონს) ექმნება არა მხოლოდ მოსკოვთან, არამედ ანკარასთან ურთიერთობებში, მაშინ ამ ბაზის შემდგომი ყოველმხრივი უზრუნველყოფა-მომარაგება  საზღვაო და სახმელეთო ტრანსპორტით შეუძლებელი იქნება: შავი ზღვა, ფაქტიურად, რუსეთ-თურქეთის „ტბაა“, ხოლო „მონტრეს შეთანხმებით“, შავ ზღვაში არარეგიონული გემების შესვლა, ასევე მათი იქ ყოფნა მკაცრად  ლიმიტირებულია. სამაგიეროდ, ისევე როგორც მსოფლიოს ბევრ რეგიონში, პენტაგონს შეუძლია საჰაერო „ხიდი“ შექმნას და სამხედრო დაჯგუფების ნორმალური ფუნქციონირება უზრუნველჰყოს. . . . . . . . . . . . . . . . . . . . . . . . . . . . . . . . რა თქმა უნდა, ეს ჯერ არ არის „სამხედრო ბაზა“, მაგრამ როგორც ბისმარკი ამბობდა „მთავარია არა განზრახვა, არამედ პოტენციალი“. ასეთი პოტენციალი უკვე იქმნება. თანაც სამხედრო-პოლიტიკური ტექნოლოგიის დაცვით. დავაკვირდეთ: აეროდრომი შენდება აშშ-საქართველოს იმ პროგრამის ფარგლებში, რაც გულისხმობს ცხრა ქართული შენაერთის მომზადებას და რაც მთავარია, ეს ხდება NATO-ს ეგიდით, ესე იგი ჩრდილო-ატლანტიკური ალიანსის „ქოლგის“ ქვეშ: „სამხედრო მომზადების“ პროგრამა მაღლდება „თავდაცვითი მზადყოფნის“ პროგრამამდე, ხოლო ვაზიანი კრწანისის სასწავლო ცენტრთან და საჩხერის საწვრთნელ ბაზასთან ერთად ქმის ახალ სისტემას, რომელიც ბევრად მეტად იქნება მზად საქართველოს ჩასართავად ერთიან თავდაცვით სისტემაში. შესაბამისად, საქართველო ამ სისტემაში ჩაერთვება ყოველგვარი MAP-ის, ან თუნდაც NATO-ს წევრობის გარეშე, რომელნიც სულაც არ არიან „თვითმიზანი“.  ნამდვილი მიზანი ბოლო 30 წლის ქარცეცხლს გადარჩენილი ტერიტორიის ახალი რუსული აგრესიისგან დაცვაა, რათა ამ ტერიტორიაზე (მაინც) განვითარდეს დამოუკიდებელი, დემოკრატიული ქართული სახელმწიფო. ეს შესანიშნავად იციან მოსკოვში და რუსულმა ოფიციოზმა სწორედ ამიტომ მიაქცია ამ მოვლენას იმაზე ბევრად მეტი ყურადღება, ვიდრე ქართულმა პრესამ ან „საექსპერტო თანამეგობრობამ“. რუს კოლეგათა ანალიზის საერთო რეფრენი უკვე ისაა, რამდენი დრო დასჭირდება კიდევ საქართველოს, რათა „ამერიკის ჩაუძირავ კავკასიურ ავიამზიდად“ იქცეს. ნიკა იმნაიშვილი support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-11/1542263194.jpg ghn.ge ჟინვალჰესის წყალსაცავში ბეტონმზიდი ჩავარდა - შსს-მ გამოძიება დაიწყო http://ghn.ge/com/news/view/215344/ შინაგან საქმეთა სამინისტროს მცხეთა-მთიანეთის პოლიციის დეპარტამენტმა ჟინვალი-თვალივის საავტომობილო გზაზე მომხდარ ავტოსაგზაო შემთხვევასთან დაკავშირებით გამოძიება დაიწყო. დუშეთის რაიონში შემთხვევა 14 ნოემბერს, საღამოს საათებში მოხდა. სამუშაოების შესრულებისას ავტოსაგზაო შემთხვევის შედეგად გზიდან გადავიდა და ჟინვალჰესის წყალსაცავში ჩავარდა ბეტონმზიდი. "შემთხვევის ადგილზე საგამოძიებო და სამაშველო-სამძებრო ღონისძიებები დაუყოვნებლივ დაიწყო. სამართალდამცველები და მაშველები ავტოსატრანსპორტო საშუალების მძღოლს 1965 წელს დაბადებული ი.ჟ.-ს ეძებენ. გამოძიების პირველადი ინფორმაციით ჟინვალი-თვალივის საავტომობილო გზაზე სამუშაოებს ერთ-ერთი კერძო კომპანია ასრულებს, სადაც დასაქმებული იყო სპეციალური სატრანსპორტო საშუალების მძღოლი ი.ჟ. მომხდარ ფაქტთან დაკავშირებით გამოძიება სისხლის სამართლის კოდექსის 276 მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს", - აღნიშნავენ უწყებაში. support@ghn.ge http://ghn.ge/img/uploads/news/prev/http://ghn.ge/img/uploads/files/news/2018-11/1542262226.jpg ghn.ge