ეუთოს მოქმედი თავმჯდომარე კანატ საუდაბაევი ევროპარლამენტარებს მოუწოდებს გაყინული კონფლიქტების მოგვარებას ხელი შეუწყონ.
ევროპარლამენტარებისადმი აღნიშნული მოწოდება ყაზახეთის საგარეო საქმეთა მინისტრმა ეუთო-ს საპარლამენტო ასამბლეის სხდომაზე გააჟღერა.
ამასთან, კანატ საუდაბაევმა კავკასიაში ვიზიტის შედეგებიც შეაჯამა და თბილისში, ერევანსა და ბაქოში გამართულ მოლაპარაკებებს კონსტრუქციული უწოდა.
გარდა ამისა, მან ჟენევის დისკუსიების გაგრძელების აუცილებლობაზეც გაამახვილა ყურადღება და განმარტა, რომ ეს არის ერთადერთი ფორმატი, რომელიც მხარეებს დიალოგის წარმოების საშუალებას აძლევს.