საქართველოს პარლამენტის თავმჯდომარე დავით ბაქრაძე რუსეთის ხელისუფლების მიერ საქართველოს პრეზიდენტის "პერსონა ნონ გრატად" გამოცხადების ფაქტს "სამწუხაროს" უწდებს და აცხადებს, რომ ეს არის კიდევ ერთი დადასტურება იმისა, რომ რუსეთი ილუზიებიდან ვერ გამოვიდა.
ეს განცხადება დავით ბაქრაძემ დღეს ჟურნალისტებთან საუბრისას განაცხადა. M
"რუსეთი ცდილობს საკუთარი გადაწყვეტილებებით ზემოქმედება მოახდინოს ქართველ ხალხზე, თუმცა ეს არის სამწუხარო ილუზია და ასეთი ქმედებებით ის ვერანაირ შედეგს ვერ მიაღწევს. ქართველი ხალხი გააკეთებს იმ არჩევანს, რაც ქართელ ხალხს სურს", - აცხადებს ბაქრაძე.
მისივე განმარტებით, თუკი, რუსეთს მართლაც სურს საქართველოსთან დიალოგი და ურთიერთობის აღდგენა, უნდა მიიღოს ქართველი ხალხის სასურველი ხელისუფლება და არა ის, რომლის ნახვაც რუსეთს სურს.
შეგახსენებთ, რომ რუსეთის პრეზიდენტმა დიმიტრი მედვედევმა მიხეილ სააკაშვილი რუსეთის ფედერაციისთვის "პერსონა ნონ გრატად" გამოაცხადა. ამის შესახებ რუსეთის პრეზიდენტმა, კრემლში, სერგეი ბაღაფშთან ერთობლივად გამართულ პრესკონფერენციაზე განაცხადა.