საქართველოს საგარეო საქმეთა სამინისტრო აფხაზეთში ე.წ. რიგგარეშე საპრეზიდენტო არჩევნებს ცინიკურს უწოდებს და აცხადებს, მას ლეგიტიმურობა არასდროს ექნება.
აფხაზეთში მიმდინარე ე.წ. საპრეზიდენტო არჩევნებთან დაკავშირებით საგარეო უწყებაში საგანგებო განცხადება რამდენიმე წუთის წინ გაკეთდა.
"ეს არის ცინიკური აქტი, რომელიც ხორცილდება რუსეთის საოკუპაციო ძალებისა და მისი კონტროლის ქვეშ მყოფი მარიონეტული რეჟიმის მიერ იმ იმდით, რომ შესძლებენ მათ მიერ განხორცილებული ეთნიკური წმენდის დაკანონებას. ამგვარ ქმედებას არასდროს ექნება ლეგიტიმურობა და ის ვერასდროს განსაზღვრავს აფხაზეთის მომავალ ბედს იმ პირობებში, როცა მოსახლეობის 3/4 ეთნიკური ნიშნით გამოდევნილია, იმ პირობებში, როცა რეგიონი ოკუპირებულია და იმ პირობებში, როცა აფხაზეთის მოსახლეობის უდიდეს ნაწილს რეგიონის მომავალის განსაზღვრაში მონაწილეობის მიღების უფლება არ აქვს", - განაცხადა საგარეო საქმეთა მინისტრის მოადგილემ ნინო კალანდაძემ.
