სახალხო დამცველი მიიჩნევს, რომ რელიგიის თავისუფლების დაცვის თვალსაზრისით ქვეყანაში მდგომარეობა წინა წლებთან შედარებით მკვეთრად გაუარესდა. ამის შესახებ განცხადება ტუღუშმა დღეს პარალმენტში ადამიანის უფელბათა დაცვის კომიტეტის სხდომაზე სახალხო დამცველის 2009 წლის პირველი ნახევრის ანგარიშის განხილვისას გააკეთა.
როგორც ტუღუში აღნიშნავს, ჯერჯერობით უცვლელად რჩება საზოგადეობის მხრიდან რელიგიურ უმცირესობათა მიმართ შეუწყნარებლობის ფაქტები. იგი აქცენტს იმაზე აკეთებს, რომ ასეთ ფაქტებთან დაკავშირებით სამართალდამცავი ორგანოები არაადეკვატურად რეაგირებენ.
ტუღუშის თქმით, საანგარიშო პერიოდში სახალხო დამცველის აპარატს 21 ასეთ შემთხვევაზე აცნობეს. მან დაასახელა ფიზიკური და მორალური შეურაცხყოფის მიყენება ერთი მხრივ, იეღოვას მოწმეების ოფისზე, რომელიც მდებარეობს გურამიშვილის გამზირზე, და ასევე, დაასახელა ფაქტი, რომლის თანახმად ნუცუბიძის პლატოზე მდებარე სიცოცხლის სიტყვის სამლოცველოს, რომელიც ეკუთვნის პროტესტანტურ რელიგიას, ექვსჯერ ესროლეს ცეცხლსასროლი იარაღიდან.
ტუღუშის თქმით, სამართალდამცველები ასეთ შემთხვევებს ან არ იძიებენ ან თუ ხდება დაკავება სასჯელი არის არაადეკვატური.
მისი თქმით, ერთ შემთხვევაში პირი რომელმაც შეურაცხყოფა მიაყენა ადამიანებს რელიგიური ნიშნით დაჯარიმდა 100 ლარით, მეორე შემთხვევაში პირი დაკავებული იყო სამი დღით, მესამე შემთხევევაში კი სამართალდამცველებმა პირს მისცეს მხოლოდ სიტყვიერი გაფრთხილება.
"ყოველივე ზემოაღნიშნულიდან გამომდინარე კი შიძლება ითქვას, რომ რელიგიის თავისუფელბის შელახვასთან დაკავშირებული საქმეების უმრავლესობა სამართალდამცავების მიერ არის შეწყვეტილი ან ძიება მეტისმეტად გაჭიანურებულია", - აცხადებს გიორგი ტუღუში და დასძენს, რომ "რელიგიურ ნიადაგზე ჩადენილი დამნაშავეთა დაუსჯელობა სამომავლოდ კიდევ უფრო გაზრდის და სახიფათო ტენდენციის სახეს შესძენს რელიგიურ რევნასა და დისკრიმინაციას.
