სახალხო დამცველი გიორგი ტუღუში 2009 წლის პირველი ნახევრის ანგარიშში სასჯელთაღსრულების სისტემაში მძიმე საყოფაცხოვრებო პირობებსა და პატიმრებისათვის არაადამიანური მოპყრობის ფაქტებზე საუბრობს. ანგარიში ახალხო დამცველმა დღეს პარლამენტში ადამიანის უფლებათა დაცვის კომიტეტის სხდომაზე წარმოადგინა.
როგორც ტუღუშმა დაასახელა, ასეთი ფაქტები ხდება ზუგდიდის #3 საპყრობილეში, ბათუმის #4, თბილისის #1, ქსნის #7 საპყრობილეებში, ასევე ხონის #9 საპყრობილეში და ტუბერკულოზით დაავადებულ მსჯავრდებულთა სამკურნალო დაწესებულებაში.
ტუღუში ამ პრობლემის მოგვარების ერთადერთ გამოსავლად კი ამ სასჯელთაღსრულებითი დაწესებულებების ლიკვიდაციას ასახელებს. გარდა ამისა, მიიჩნევს, რომ უნდა გატარდეს ცვლილებები საკანონმდებლო დონეზეც და შედარებით მსუბუქი დანაშაულებებისათვის პატიმრები უნდა იქნენ გათავისუფლებულები და გატარდეს პოლიტიკა, რომ ნაკლებად მძიმე დანაშაულებებისათვის პირებს შეეფარდოთ არასაპატიმრო სასჯელები და მიიჩნევს, რომ უფრო ატქიურად უნდა იმუშაოს პატიმრების ვადაზე ადრე გათავისუფლების კომისიამაც.