იმერეთის პრობაციის ბიუროს ინიციატივით, ტყიბულელმა პრობაციონერებმა მშობლიურ ქალაქში დასუფთავება-გამწვანების აქცია მოაწყვეს.
14 პირობით მსჯავრდებული, რომელთა შორის 2 არასრულწლოვანი იყო, გუშინ დილიდან ტყიბულის ცენტრში მდებარე წმინდა გიორგის სახელობის ტაძრის ეზოში შეიკრიბა და მრევლთან ერთად, ტაძრის მიმდებარე ტერიტორია გამხმარი ტოტებისა და ფოთლებისგან გაწმინდეს. შემდეგ კი წიწვოვანი ხეები დარგეს.
პრობაციის ბიუროს ინიციატივას მხარი ადგილობრივი კეთილმოწყობის სამსახურის თანამშრომლებმაც აუბეს, რომლებმაც პრობაციონერებს სპეციალური სატრანსპორტო საშუალება და სამუშაო იარაღები დაახმარეს. ეკლესიის ეზოდან, პრობაციონერებმა ტყიბულის რაიონული სასამართლოსკენ გადმოინაცვლეს, სადაც გამწვანების აქციას სასამართლოს თავმჯდომარე და თანამშრომლებიც შეუერთდნენ. მოგვიანებით კი, პრობაციონერებმა მარადმწვანე ხეების ნერგები მოსწავლეებთან ერთად ტყიბულის №1 საჯარო სკოლის ეზოში დარგეს. პრობაციის ეროვნული სამსახური დასუფთავების, გამწვანებისა და სხვა საზოგადოებრივად სასარგებლო აქციებს პერიოდულად აწყობს, რაც პრობაციონერებს რესოციალიზაციაში ეხმარება.
