სოფელ მეღვრეკისის განაღმული ტერიტორია ადგილობრივ თვითმმართველობას გადაეცა.
ღონისძიებას, რომელიც დღეს, 10:00 საათზე დაიწყო, საქართველოს თავდაცვის სამინისტროს ხელმძღვანელი პირები, ამერიკის ელჩი საქართველოში ჯონ ბასი და შინაგან საქმეთა სამინისტროს წარმომადგენლები ესწრებიან.
სოფელი აგვისტოს ომის შემდეგ დარჩენილი ფეთქებადი ნარჩენებისგან გასუფთავდა. განაღმვითი სამუშაოები თავდაცვის სამინისტროს დაკვეთითა და კოორდინაციით საერთაშორისო ჰუმანიტარულმა ორგანიზაციამ " The HALO Trust " აწარმოა.
აღსანიშნავია, რომ ჰუმანიტარული განაღმვის ხარისხს საქართველოში საერთაშორისო ორგანიზაცია "ინფორმაციის მართვისა და განაღმვითი საქმიანობის პროგრამები" (iMMAP, აშშ) აკონტროლებს.
ამ ეტაპზე განაღმვითი სამუშაოები 18 სოფელში განხორციელდა.