ვენა, სოჭი, სანკტ-პეტერბურგი, ტვერი, მოსკოვი, კრასნოდარი, ხოლო ამჟამად სუზდალი - ეს არის ალექსანდრე ებრალიძის საქართველოს ხალხთა დიასპორების წარმომადგენლებთან შეხვედრის ადგილები, ნათქვამია საქართველოს ხალხთა კონგრესის პრეს-სამსახურის მიერ გავრცელებულ ინფორმაციაში.
სუზდალი რუსეთის უძველესი ისტორიული ქალაქების რიცხვს მიეკუთვნება, „საიდანაც რუსული მიწა დაიწყო". იმ მოღვაწეებს შორის, რომლებმაც ამ მხარეს სახელი გაუთქვეს, ქართველებიც არიან და მათი ხსოვნა დღემდე სასოებით ინახება.
პრეს-სამსახურის ინფორმაციით, შაბათს, 20 ნოემბერს, საქართველოს ხალხთა მსოფლიო კონგრესის პრეზიდენტმა ალექსანდრე ებრალიძემ სუზდალში მჭიდრო ურთიერთობაში გაატარა საქართველოს ხალხთა დიასპორების წარმომადგენლებთან, რომლებიც აქ რუსეთის ცენტრალური მხარეებიდან - ვლადიმირის, ივანოვოს, მოსკოვის, ნიჟეგოროდის და იაროსლავის - იყვნენ ჩასულები. შეხვედრა ორგანიზებული იყო აფხაზეთიდან ლტოლვილთა რეგიონთაშორისი ორგანიზაციის თავმჯდომარის ვალერიან ქობალიას ინიციატივით. შეხვედრაში მონაწილეობა მიიღეს კონგრესის ვიცე-პრეზიდენტმა ბადრი მელაძემ და მმართველობის წევრმა ხვიჩა თოლორდავამ.
"ალექსანდრე ებრალიძემ ისაუბრა კონგრესის საპროგრამო მიზნებზე, იმაზე თუ რისი გაკეთება მოხერხდა 2009 წლის 10 თვის განმავლობაში. როგორც გამოსვლებმა აჩვენა, დიასპორების წარმომადგენლები - კონგრესის საიტის მუდმივი სტუმრები, ყურადღებით ადევნებდნენ თვალს სიტუაციას, რომელიც გამოიხატა საქართველოს ხელისუფლების მიერ „დავით აღმაშენებლის" პრემიის დაარსებასთან დაკავშირებით წინააღმდეგობის გაწევაში და „ალექსანდრე ნეველის" პრემიის ორგკომიტეტის რუსი კოლეგების ქვეყანაში არშეშვებაში", - ნათქვამია გავრცელებულ ინფორმაციაში.
როგორც კონგრესის პრე-სამსახური იუწყება, ერთ-ერთი პირველი კითხვა ალექსანდრე ებრალიძის მიმართ დასმული იყო შეხვედრის ყველაზე ახალგაზრდა მონაწილის მიერ - აქვს თუ არა საქართველოში მომავალი ახალგაზრდობას და როგორ ითვალისწინებს კონგრესი თავის პროგრამაში ახალგაზრდების საჭიროებებსა და თავისებურებებს? პასუხი მკაფიო იყო - საქართველოს მომავალი დიდწილადაა დამოკიდებული ახალგაზრდობაზე, მის აქტიურ მონაწილეობაზე ქვეყნის გარდაქმნაში ნეიტრალურ აყვავებულ სახელმწიფოდ.
"ადგილი ჰქონდა პოლემიკას დამოკიდებულებების გამო ეგრეთ წოდებული „მუხროვანის ამბოხთან" მიმართებაში, ასევე საქართველოს ხალხთა დიასპორების წარმომადგენელთათვის მოქალაქეობის არჩევისა და მიღების პრობლემასთან დაკავშირებით. იყო კითხვები დეპუტატ გ. თარგამაძის მიმართ სასამართლო სარჩელის პერსპექტივების თაობაზე, კონგრესის ურთიერთობებზე დიასპორების გამაერთიანებელ სხვა ორგანიზაციებთან. ამასთან დაკავშირებით ალექსანდრე ებრალიძემ აღნიშნა, რომ თვალსაჩინოა კონგრესის კოლექტიური წევრებით შევსების მნიშვნელოვანი ტენდენცია", - იუწყება კონგრესის პრეს-სამსახური.
გავრცელეული ინფორმაციით, თავისი საკუთარ ახალგაზრდულ სპორტულ ხსოვნისთან დაკავშირებით კონგრესის პრეზიდენტმა ახალგაზრდა მოკრივე გიორგი ცვირდავას 20 ათასი რუბლის ოდენობის ყოველთვიური სტიპენდია დაუნიშნა. ახალგაზრდა მოკრივე სხვადასხვა ტურნირებზე უკვე 33 მედლითაა დაჯილდოებული და მას კრივში დიდ მომავალს უწინასწარმეტყველებენ. გარდა ამისა, გიორგიმ მიიღო 70 ათასი რუბლის ოდენობის ერთჯერადი დახმარება საერთაშორისო შეჯიბრებებში მონაწილეობის მისაღებად.
"ალექსანდრე ებრალიძე მსგავსი შეხვედრების ჩატარებას ციმბირისა და შორეული აღმოსავლეთის, ასევე ევროპისა და დსთ-ს რიგი ქვეყნების საქართველოს ხალხთა დიასპორების წარმომადგენლებთანაც გეგმავს", - იუწყება კონგრესის პრეს-სამსახური