ხვალ, 10 დეკემბერს, 11"00 საათზე, ათასწლეულის ფონდის აღმასრულებელი დირექტორი გიორგი აბდუშელიშვილი და საქართველოს სტატისტიკის ეროვნული სამსახურის („საქსტატი") აღმასრულებელი დირექტორი ზაზა ჭელიძე 2008 წლიდან დღემდე ფონდის მიერ „საქსტატი"-სათვის ტექნიკური დახმარების ფარგლებში გაწეულ საქმიანობაზე ისაუბრებენ.
ათასწლეულის ფონდის მიერ სტატისტიკის ეროვნული სამსახურისთვის გაწეული ტექნიკური დახმარება მოიცავს 80,000 აშშ დოლარამდე ღირებულების 50 პერსონალურ კომპიუტერს, 50 პორტატულ კომპუტერსა და 5 ლეპტოპს. ასევე, ფონდი „საქსტატს" საჩუქრად გადასცემს ქსელურ მოწყობილობებს, რაც ხელს შეუწყობს „საქსტატის" შიდა კომპიუტერული ქსელის გამართულად მუშაობას.
გარდა ზემოაღნიშნულისა, ტექნიკური დახმარების პროექტი ითვალისწინებს საერთაშორისო ფასთა შედარების პროგრამაში (IჩP) მოსამზადებელ სამუშაოებს, პერსონალის ტრენინგებსა და საინფორმაციო ტექნოლოგიების განვითარებას. ამჟამად, ტრენინგები მიმდინარეობს სპეციალურ სტატისტიკურ პროგრამაში, რომელშიც მომავალი წლის თებერვლის ბოლომდე „საქსტატის" ყველა თანამშრომელი რამდენიმე ეტაპად მიიღებს მონაწილეობას.
ათასწლეულის ფონდის მიერ „საქსტატი"-სათვის გამოყოფილი ტექნიკური დახმარება შეადგენს 377,188 აშშ დოლარს.