10 დეკემბერსGგაეროს ადამიანის უფლებათა უმაღლესი კომისრის ოფისის და საქპატენტის ორგანიზებით სასტუმრო ,,თბილისი მერიოტში" სადისკუსიო შეხვედრა გაიმართება.
დისკუსიის თემაა ,,ინტელექტუალური საკუთრების უფლებები და მათი დაცვის მექანიზმები".
შეხვედრაში მონაწილეობას მიიღებენ საქპატენტის, სხვადასხვა საგამომცემლო სახლების, მუზეუმების, სახელოვნებო წრეების, მედიასაშუალებების და ეროვნული კინოცენტრის წარმომადგენლები.
შეხვედრაზე იმსჯელებენ საავტორო და მომიჯნავე უფლებების, ასევე სასაქონლო ნიშნების დაცვის მექანიზმებზე საქართველოში. შეხვედრის მონაწილეებს მისასალმებელი სიტყვით მიმართავს საქპატენტის თავმჯდომარე ირაკლი ღვალაძე.