2010 წლის 9 დეკემბრიდან 2011 წლის 14 იანვრის ჩათვლით "საქართველოს ბანკში" გახსნილ ფიზიკური პირების ვადიან ანაბრებს, სტანდარტულ სარგებელთან ერთად დამატებით +1% დაერიცხება. შეთავაზება ეხება როგორც ლარში, ისე უცხოურ ვალუტაში გახსნილ ვადიან ანაბრებს.
"იმის გათვალისწინებით, რომ წელს სახეზე გვაქვს ანაბრების უპრეცედენტო ზრდა, საპროცენტო განაკვეთი კი წლის განმავლობაში, შესაბამისად არაერთხელ შემცირდა, ვფიქრობთ +1% დამატებითი სარგებელი ანაბრებზე საუკეთესო შეთავაზება იქნება მომხმარებლისთვის. ჩვენი მიზანია, მომხმარებელს დღეს მივცეთ შესაძლებლობა იზრუნოს ხვალინდელ დღეზე",- განაცხადა "საქართველოს ბანკის" გენერალურმა დირექტორმა, ირაკლი გილაურმა.
