საერთაშორისო ბაზრისაგან განსხვევებით, საქართველოში ჩაიზე ფასის მატებას არ მოელიან. როგორც სააგენტო "ჯი-ეიჩ-ენთან" საუბრისას "საქართველოს ჩაის მწარმოებელთა ასოციაციის" აღმასრულებელი დირექტორი თენგიზ სვანიძე აცხადებს, თუ მსოფლიოში ჩაის ფასი გაზრდება, ეს ქართულ ბაზარზე ნაკლებად აისახება.
"საქართველოში ძირითადად დაბალიხარისხიანი და იაფფასიანი ჩაის იმპორტი ხორციელდება და შესაბამისად იმპორტიორები გაძვირებას არ დაუშვებენ, რადგანაც ამით დაკარაენ კლიენტურას. ადგილობრივ ბაზარზე ქართულ ჩაის ბაზრის მხოლოდ 10 %-ი უჭირავს, ხოლო დანარჩენი იმპორტირებულ ჩაიზე მოდის, რომელის საკმაოდ დაბალი ხარისხის არის და თუ იმპორტიორი იმ დაბალხარისხიან ჩაისაც გააძვირებს მაშინ მოხმარებელი ქართულ ჩაიზე გადავა, რაც იმპორტიორის ინტერესებში არ შედის"- განუცხადა "ჯი-ეიჩ-ენს" "საქართველოს ჩაის მწარმოაებელთა ასოციაციაში".
შეგახსენებთ, რომ მსოფლიო ბაზარზე შესაძლოა ჩაიზე ფასები გაიზარდოს. აღნიშნულის მიზეზად სამუშაო ძალის ღირებულების ზრდა და ინდოეთში ასამის შტატში პარაზიტების მიერ მოსავლისთვის მიყენებული ზარალი სახელდება. სწორედ ამ შტატში მოჰყავთ ინდური ჩაის ნახევარზე მეტი. ექსპერტები მიიჩნევენ, რომ 2011 წლის მარტი- აპრილისთვის ჩაის დეფიციტმა შეიძლება 100 ათასი ტონა შეადგინოს.
ქვეყანაში ჩაის ფასები უკვე 10-დან 11 პროცენტამდეა გაზრდილი. თუმცა მსოფლიო მასშტაბით ექსპერტები მიიჩნევენ, რომ ინდური ჩაის დეფიციტის დაბალანსება შესაძლებელი იქნება კენიასა და შრი ლანკაში კარგი მოსავლით. უნდა აღინიშნოს ორმ კენია შავი ჩაის წარმოების მსოფლიო ლიდერია და მან მიმდინარე წელს ჩაის წარმოება 11 პროცენტიტ გაზარდა, რაც შეეხება შრი ლანკას აქ წარმოება 21 პროცენტით გაიზარდა და 221,3 ათასი ტონა სეადგინა. ინდოეთში კი ჩაის წარმოება გასულ წელთან შედარებით 1,7 პროცენტით შემცირდა და 584,9 ათასი ტონა შეადგინა.