"იუნიქარდმა" თბილისში პირველი უნივერსალური სერვის ცენტრი გახსნა. როგორც "უნივერსალ ქარდ კორფორეიშენში" განმარტავენ, ახალი უნივერსალური სერვის-ცენტრი მომხმარებელს ყოველდღიურად მოემსახურება, ადგილზე შესთავაზებს ბარათებს და მიაწვდის ინფორმაციას პარტნიორი კომპანიების აქციებისა და სხვა სიახლეების შესახებ.
"იუნიქარდის" რამდენიმე სერვის-პუნქტი აქამდეც მუშაობდა, მაგრამ თამარ მეფის გამზირზე ახლადგახსნილი სერვის-ცენტრი გაცილებით გაფაროებულ მომსახურებას შესთავაზებს საკუთარ მომხმარებელს.
"ჩვენს ბარათზე მოთხოვნა იზრდება. ამის მაგალითია ის, რომ დღეისათვის საქართველოში "იუნიქარდს" 340 ათასზე მეტი ადამიანი ფლობს. ჩვენ გაფორმებული გვაქვს კონტრაქტი 200 კომპანიასთან. შესაბამისად ჩვენს მომხმარებელს ჩვენს პარტნიორებთან პროდუქციის შეძენისას გარკვეული ქულები დაუგროვდება. ამავდროულად, ჩვენი ბარათების გატარება 900 წერტილშია შესაძლებელი, " - განაცხადა "უნივერსალ ქარდ კორფორეიშენის" ხელმძღვანელმა ბესარიონ აბულაძემ.
მისივე განმარტებით, სერვის ცენტრის გარდა "იუნიქარდის" ბარათების მიღება შესაძლებელი იქნება სხვადასხვა პარტნიორ ობიექტებში განლაგებულ სერვის პუნქტებში. ამავდროულად მომხმარებელთა მომსაუხრეობის გაფართოების მიზნით, კომპანიამ ანალოგიური სერვის-ცენტრი ქუთაისში სავაჭრო ცენტრ ქარვასლაშიც გახსნა.
შეგახსენებთ, რომ უნივერსალური დაგროვებითი ბარათი „უნიქარდი" ქართულ ბაზარზე 2010 წლის 7 აპრილს შემოვიდა. დღემდე გაცემულია 300 ათასზე მეტი ბარათი და „უნიქარდით" სარგებლობა 900-მდე ობიექტში არის შესაძლებელი.
„უნიქარდი" წარმოადგენს „უნივერსალ ქარდ ქორფორეიშენის" ბრენდს. ამ კომპანიის დამფუძნებლები ინგლისური საინვესტიციო ფონდი Capital-ის შვილობილი კომპანია Kazbeg Holding და საქართველოს მოქალაქეები არიან.
GML Capital არის მსხვილი ინგლისური ბანკის შტანდარდ Bank-ის მიერ შექმნილი საინვესტიციო ფონდი, რომელიც ახორციელებს სხვადასხვა ბიზნეს პროექტების დაფინანსებას აღმოსავლეთ ევროპის და კავკასიის რეგიონებში