შეერთებულმა შტატებმა ვენესუელის პრეზიდენტს, ნიკოლას მადუროსა და სხვა ვენესუელელ მაღალჩინოსნებს, ნარკოტიკებით ვაჭრობისთვის ბრალი წარუდგინა.
გადაწყვეტილება ცოტა ხნის წინ, შეერთებული შტატების გენერალურმა პროკურორმა უილიამ ბარმა გახადა საჯარო.
"ვენესუელელი ხალხი იმსახურებს გამჭვირვალე, პასუხისმგებლობის მქონე წარმომადგენლობით მთავრობას, რომელიც ემსახურება ხალხის საჭიროებებს", - თქვა ბარმა.
გარდა ამისა, აშშ-მა ჯილდოდ 15 მლნ დოლარი დააწესა ნებისმიერის სახის ინფორმაციისთვის, რაც მათ მადუროს დაკავებაში დაეხმარება.
ვაშინგტონი მხარს უჭერს ოპოზიციის ლიდერს ხუან გუაიდოს, რომელმაც გასულ წელს თავი დროებით პრეზიდენტად გამოაცხადა.