მომავალ კვირას ნავთობზე ფასი შესაძლოა დაეცეს. ანალიტიკოსები აცხადებენ, რომ აღნიშნულის მიზეზი აშშ-ში მარაგების ზრდა და მოთხოვნის შემცირება გახდება. აშშ-ის ენერგეტიკის სამინისტროს ინფორმაციით, გასულ კვირას ნავთობის მარაგები ქვეყანაში 3,09 მილიონი ბარელით გაიზარდა და 360,9 მილიონ ბარელს მიაღწია. ეს 13 პროცენტით მაღალია ბოლო 5 წლის მაჩვენებელზე. საწვავის მოხმარება 6,4-ით, 18,5 მილიონი ბარელით შემცირდა დღე-ღამეში, რაც 2004 წლის 27 თებერვლიდან ყველაზე დაბალი მაჩვენებელია.
"მარაგები გასულ წელზე უფრო მაღალია, მოთხოვნაზე კორექტირების შემთხვევაშიც, როცა ფასები 10 პროცენტით არის გაზრდილი", - აცხადებს ანალიტიკოსი ტიმ ევანსი. შესაბამისად, არ არსებობს მოთხოვნილება, რათა ფასების ზრდის რალი გაგრძელდეს.
უნდა აღინიშნოს, რომ გასულ კვირას ექსპერტები ფასების ზრდას ვარაუდობდნენ, თუმცა მათი პროგნოზი არ გამართლდა, პირიქით, ნოემბრის ფიუჩერსების კოდირება 0,3 პროცენტით შემცირდა და ბარელზე 81,42 დოლარი შეადგინა.