ინიფიცრებული ბოლო პაციენტის 86 კონტაქტი უკვე გამოვლენილია, თუმცა მათი რაოდენობა კიდევ უფრო მეტია, - განაცხადა დაავადებათა კონტროლის ეროვნული ცენტრის დირექტორმა, ამირან გამყრელიძემ ტელეკომპანია „პირველის“ ეთერში.
მისი თქმით, პაციენტი ამჟამად ერთ-ერთ მუნიციპალურ საავადმყოფოშია, სადაც კარანტინია გამოცხადებული.
"ჩვენგან დილას ბრიგადა იყო წასული ყველაზე გამოცდილი ეპიდემიოლოგებით, შესაბამისი რჩევა მიეცა ადგილობრივ მედპერსონალს. საავადმყოფო გადავიდა კარანტინის რეჟიმში. ჩვენ შევიმუშავებთ რეკომენდაციებს და წარვუდგენთ სამინისტროს“, - თქვა გამყრელიემ.
მისი თქმით, ბოლო მონაცემებით დადასტურებულია COVID-19-ის 54 შემთხვევა. აქედან, 3 პაციენტი უკვე გამოჯანმრთელდა და ისინი ორ კვირას თვითიზოლაციაში გაატარებენ. გარდა ამისა, თვითიზოლაციაში ამჟამად 2693 ადამიანია, ხოლო კარანტინში 2712. გამყრელიძის თანახმად, დაინფიცირებული 51 პაციენტიდან არც ერთის მდგომარეობაა კრიტიკული, თუმცა რამდენიმესი შედარებით მძიმეა.
