სწრაფი ეპიდაფეთქება, ჯერჯერობით, არ ფიქსირდება, - განაცხადა დაავადებათა კონტროლის ეროვნული ცენტრის დირექტორმა ამირან გამყრელიძემ.
მისი ღქმით, ქვეყანაში ეპიდსიტუაცია ისე ვითარდება, როგორც სპეციალისტები პროგნოზირებდნენ.
"ვპროგნოზირებდით, რომ ზრდა გვექნებოდა და დაახლოებით მივდივართ იმ პროგნოზის ფარგლებში, რაც ჩვენი ერთ-ერთი სცენარით იყო განსაზღვრული, ანუ, სწრაფი ეპიდაფეთქება, ჯერჯერობით, არ ფიქსირდება. ვფიქრობთ, საგანგებო მდგომარეობა ხელს შეუწყობს, ვაწარმოოთ ფართო მასშტაბის პრევენცია ქვეყანაში. ამისთვის ყველა ერთად უნდა დავდგეთ - სახელმწიფო, კერძო სექტორი, საზოგადოება; დავიცვათ ის რეკომენდაციები, რასაც ვიძლევით და ახლა, ყველაზე მთავარი რეკომენდაციაა სოციალური დისტანცირება. ამიტომ, ჟურნალისტებსაც გთხოვთ, ცოტა მოშორებით დადგეთ ხოლმე ჩაწერის დროს. თავი ავარიდოთ დიდ შეკრებებს, სახლში 2-3 ადამიანზე მეტი არ დავპატიჟოთ, არ გადავიხადოთ დიდი დღესასწაულები - ეს უკვე კანონითაც აკრძალულია“, - განაცხადა ამირან გამყრელიძემ.
