ახალი სერვის-ცენტრი ყოველდღიურად მოემსახურება მომხმარებელს, ადგილზე შესთავაზებს ბარათებს და მიაწვდის მათთვის საჭირო ინფორმაციას პარტნიორი კომპანიების აქციებთან და სხვა სიახლეებთან დაკავშირებით. უნიქარდის რამდენიმე სერვის პუნქტი აქამდეც ფუნქციონირებდა, თუმცა სერვის ცენტრი გაცილებით გაფართოებულ სერვისს შესთავაზებს მომხმარებელს. ბარათების მფლობელთა სურვილის შესაბამისად, სერვის ცენტრში მოხდება პრიზების გაცემაც.
სერვის-ცენტრის გარდა, „უნიქარდის" ბარათების მიღება შესაძლებელი იქნება სხვადასხვა პარტნიორ ობიექტებში განლაგებულ სერვის-პუნქტებშიც.
უახლოეს მომავალში, მომხმარებელთა მომსახურების გაფართოების მიზნით, კომპანია ანალოგიური სერვის-ცენტრის გახსნას ქუთაისშიც გეგმავს (სავაჭრო ცენტრი "ქარვასლა").

სერვისცენტრის გახსნის ცერემონიალზე კომპანია რამდენიმე მნიშვნელოვან სიახლეს გააცნობს მედიას: „უნიქარდი" საზოგადოებას ახალ სარეკლამო სახეს წარუდგენს და გამოცხადდება მედია-კონკურსი თემაზე "თქვენი სურვილების ბარათი".
კონკურსის ჟიური, რომელიც ცნობილი ჟურნალისტებით არის დაკომპლექტებული, საუკეთესო მედია პროდუქციას გამოავლენს (საგაზეთო სტატია, ინტერნეტ პუბლიკაცია, ბლოგი, ტელე და რადიო სიუჟეტი და სხვ.) და დეკემბერში მედიის წარმომადგენლებს დააჯილდოვებს.

უნივერსალური დაგროვებითი ბარათი „უნიქარდი" ქართულ ბაზარზე 2010 წლის 7 აპრილს შემოვიდა. დღემდე გაცემულია 300 ათასზე მეტი ბარათი და „უნიქარდით" სარგებლობა 900-მდე ობიექტში არის შესაძლებელი.

"უნიქარდი" წარმოადგენს "უნივერსალ ქარდ ქორფორეიშენის" ბრენდს. ამ კომპანიის დამფუძნებლები ინგლისური საინვესტიციო ფონდი GML Capital -ის შვილობილი კომპანია Kazbeg Holding და საქართველოს მოქალაქეები არიან.

GML Capital არის მსხვილი ინგლისური ბანკის Standard Bank-ის მიერ შექმნილი საინვესტიციო ფონდი, რომელიც ახორციელებს სხვადასხვა ბიზნეს პროექტების დაფინანსებას აღმოსავლეთ ევროპის და კავკასიის რეგიონებში.