ყველაზე მეტად დაზარელბული სეტქორისთვის უახლოეს მომავალში წარვადგენთ მიზნობრივ პაკეტს, - ამის შესახებ დღეს ვიცე-პრემიერმა, ინფრასტრუქტურის მინისტრმა მაია ცქიტიშვილმა მთავრობის ადმინისტრაციაში გამართულ ბრიფინგზე განაცხადა და საზოგადოებას ყველა რეკომენდაციის ზედმიწევნით დაცვისკენ მოუწოდა.
მისი თქმით, ეკონომიკის გუნდის წარმომადგენლებმა პრემიერთან ერთად განსაზღვრეს პრიორიტეტული სექტორები, რომლებიც ამ ეტაპზე ყველაზე მეტად დაზარალდნენ.
"პრემიერთან ერთად განვიხილეთ და განვსაზღვრეთ ის სექტორები, რომლებიც ამ ეტაპზე ყველაზე მეტად დაზარალდნენ. უახლოეს მომავალში ჩვენ წარვადგენთ იმ პაკეტს, რომელიც იქნება მიზნობრივი, რომელიც იქნება იმ ადამიანების და იმ სექტორისკენ მიმართული, ვინც დაზარალდნენ.
აუცილებელია გარკვეული შემზღუდავი ღონისძიებების მიღება. საცალო ვაჭრობის ობიექტების მუშაობის შეწყვეტის აუცილებლობა ნამდვილად იყო. სწრაფად უნდა გადავლახოთ ის კრიზისი, რომელიც მთელ მსოფლიოშია“, - თქვა ცქიტიშვილმა.