დედაქალაქის მერია სხვა სახელმწიფო უწყებებთან ერთად, პრევენციული ღონისძიებების გატარებას და ყველა იმ რეკომენდაციის შესრულებას განაგრძობს, რომელიც დარგის სპეციალისტებისა და ჯანდაცვის მსოფლიო ორგანიზაციის მიერ არის მოცემული, - განაცხადა თბილისის მერმა კახა კალაძე.
მან საზოგადოებას მიმართა, რომ გაითვალისწინონ დარგის სპეციალისტების რეკომედაციები.
„მინდა, კიდევ ერთხელ მივმართო საზოგადოებას, ჩვენი ქვეყნის მოსახლეობას, რომ ყველამ მაქსიმალურად გავითვალისწინოთ ის რეკომენდაციები, რომელსაც დარგის სპეციალისტები გვეუბნებიან - მაქსიმალურად შევიკავოთ თავი ხალხმრავალ ადგილებში გადაადგილებისგან. ყველაზე მთავარი - დარჩით სახლში, თუ ამის გადაუდებელი აუცილებლობა არ არის, არ გამოხვიდეთ ქალაქში“, - თქვა კალაძემ.
