დარწმუნებული ვარ, რომ არჩევნები ჩატარდება და მაგ მომენტისთვის არ იქნება ეს ვითარება, - განაცხადა „ევროპული საქართველოს“ ერთ-ერთმა ლიდერმა გიგი ბოკერიამ, უმრავლესობის წევრის, რიაკლი კობახიძის საპასუხოდ, რომელმაც განაცხადა, რომ ეპიდემიის პირობებში არჩევნები ვერ ჩატარდება.
მისი თქმით, ამ გამოწვევის გადალახვამდე, ჩვენი ქვეყნის და სხვა ქვეყნების ამოცანაც არის, სანამ ეს გადაივლის მანამდე, რაც შეიძლება ნაკლები ადამიანის სიცოცხლეს შეექმნას საფრთხე.
„დარწმუნებული ვარ, რომ არჩევნები ჩატარდება და მაგ მომენტისთვის არ იქნება ეს ვითარება. მაგრამ ამ გამოწვევის გადალახვამდე, ჩვენი ქვეყნის და სხვა ქვეყნების ამოცანაც არის, სანამ ეს გადაივლის მანამდე რაც შეიძლება ნაკლები ადამიანის სიცოცხლეს შეექმნას საფრთხე. ანუ ჯანდაცვის ამბავი და მეორე ეკონომიკა, რომელსაც შეიძლება ასე მყისიერად არავინ ხედავს, როგორც მთავარ საფრთხეს, ჯანმრთელობასთან შედარებით, მაგრამ დრო რომ გავა და ეს ეპიდემია გადაივლის, უმძიმესი შედეგები დადგება, ამიტომ ნაბიჯები ახლა არის გადასადგმელი ყველა ქვეყნის მთავრობის და ამ შემთხვევაში საქართველოს მიერ, რათა საგრძნობლად ნაკლები იყოს ის ზიანი, რასაც ჩვენ ვნახავთ შემდგომი თვეების განმავლობაში“, - თქვა ბოკერიამ
