ავიაბილეთების ფასი სუბსიდირების ხარჯზე გაიაფდება. როგორც დღეს ეკონომიკისა და მდგრადი განვითარების მინისტრმა ნათია თურნავამ აღნიშნა, სახელმწიფო მოახდენს ქართული ავიაკომპანიის დაფინანსებას, რათა საქართველოს მოქალაქეების სამშობლოში დაბრუნება განხორციელდეს.
მინისტრმა განმარტა, რომ უცხო ქვეყნების მოქალაქეებზე დაწესებული შეზღუდვების გამო კომერციული ავიარეისების შევსება დღეს მხოლოდ საქართველოს მოქალაქეების ხარჯზე ხდება და ამიტომ კონკრეტულ მიმართულებებზე თვითმფრინავის უნდა იყოს "მომგებიანი და მდგრადი".
"იმისთვის, რომ ეს კომერციული რეისები იყოს მდგრადი, როცა ჩვენ ავკრძალეთ უცხო ქვეყნის მოქალაქეების ჩამოსვლა, მხოლოდ ქართველი მოქალაქეები ვერ იქნება იმ რაოდენობით წარმოდგენილი, რომ ხომალდების გაგზავნა იყოს მომგებიანი და მდგრადი.
ჩვენ თანამონაწილეობას გავიღებთ და შევავსებთ. ასევე, ჩვენ შევთანხმდით, რომ ასეთი თანამშრომლობით ბილეთის ფასები დაიკლებს და იქნება ძალიან ხელმისაწვდომი", განაცხადა მინისტრმა.
