გერმანიის მთავრობა საქართველოს კონტროლის პალატას არსებული კანონმდებლობის დახვეწასა და პერსონალის გადამზადებაში ეხმარება.
საქართველოს კონტროლის პალატის თბილისის ოფისში გერმანიის ტექნიკური თანამშრომლობის (GTZ) პროექტის - „საქართველოს კონტროლის პალატის მხარდაჭერის " - ბიუროს პრეზენტაცია გაიმართა.
GTZ რამდენიმე წელია საქართველოს კონტროლის პალატასთან თანამშრომლობს.
მიმდინარე ურთიერთანამშრომლობა მოიცავს შემდეგ სფეროებს: კონტროლის პალატის კომპეტენტურობის უზრუნველყოფა ეფექტიანობის აუდიტის დანერგვისა და განხორციელების მიზნით; ადგილობრივი თვითმმართველობის ერთეულების აუდიტი; "საქართველოს კონტროლის პალატის შესახებ" მოქმედი კანონის INTOSAI-ს სტანდარტებთან შესაბამისობაში მოყვანა; საქართველოს კონტროლის პალატის აუდიტორების 6-თვიანი სტაჟირება ნორდრაინ-ვესტფალიის საანგარიშო პალატაში (გერმანია).
