„ევროპული საქართველო“ ახალი კორონავირუსით გამოწვეულ ეკონომიკურ კრიზისთან დაკავშირებით მთავრობას ინიციატივით მიმართავს და მოუწოდებს, სავალდებულო საპენსიო შენატანები 8 თვით შეჩერდეს.
პარტიის განცხადებით, ამის შედეგად დასაქმებულების ჯიბეში 108.2 მილიონი ლარი დარჩება, რასაც თავიანთი მზარდი ხარჯების დასაფარად გამოიყენებენ.
"შედეგად, დასაქმებულების ჯიბეში 108.2 მლნ ლარი დარჩება, რასაც ისინი თავიანთი მზარდი ხარჯების დასაფარავად გამოიყენებენ; მეწარმეებსა და დამსაქმებლებს დარჩებათ 83.1 მლნ ლარი, რაც შეასუსტებს სამუშაო ადგილების დაკარგვას და უმუშევრობის ზრდას; სახელმწიფო ბიუჯეტში გამოთავისუფლდება 133.3 მლნ ლარი, რაც საჭირო იქნება ჯანდაცვისა და სოციალური ხარჯების დასაფარავად.ეს ყველაფერი მეტ ფულს დაუტოვებს მოქალაქეებს, დადებით გავლენას იქონიებს ეკონომიკური ზრდის ტემპზე და შეაცერებს ფასების ზრდა, - ნათქვამია პარტიის მიერ წარმოდგენილ ინიციატივაში.