შეერთებული შტატების სახელმწიფო დეპარტამენტი ხელისუფლებასა და ოპოზიციას შორის მიღწეულ შეთანხმებას ეხმიანება.
მიკრობლოგ "ტვიტერზე" გავრცელებულ განცხადებაში, სახელმწიფო დეპარტამენტი მიღწეულ შეთანხმებას გადამწყვეტი მნიშვნელობის პოლიტიკურ ნაბიჯად აფასებს.
"საქართველოს პოლიტიკური დიალოგის მონაწილეთა შეთანხმება გადამწყვეტი ნაბიჯია საქართველოში პოლიტიკური გარემოს დეპოლარიზაციისა და ნორმალიზაციისკენ, ამა წლის საპარლამენტო არჩევნების წინ", - აღნიშნულია განცხადებაში.
ხელისუფლებასა და ოპოზიციას შორის მიღწეული შეთანხმების მიხედვით, 2020 წელს საპარლამენტო არჩევნები 120/30 სისტემით უნდა ჩატარდეს, სადაც 120 დეპუტატი პროპორციული საარჩევნო სისტემით იქნება არჩეული, ხოლო 30 დეპუტატი მაჟორიტარი იქნება.
შეთანხმების პირობების შესასრულებლად ცვლილებები უნდა შევიდეს საქართველოს კონსტიტუციასა და საარჩევნო კანონმდებლობაში.