ოზურგეთის მუნიციპალიტეტის სოფელ ნაღობილევში ერთ-ერთ ოჯახს თავს დაესხნენ. თავდამსხმელებმა 82 წლის მამაკაცი და 80 წლის ქალი აწამეს და სახლიდან 2500 ლარი წაიღეს.
ორივე მათგანი კლინიკაში მოათავსეს. მამაკაცს 10 ნეკნი აქვს გატეხილი, ის რეანიმაციულ განყოფილებაშია მოთავსებული.
რაც შეეხება ქალს, მას ჭრილობა სახის არეში აქვს მიყენებული.
მომხდარზე გამოძიება სისხლის სამართლის კოდექსის 179-ე მუხლით არის დაწყებული. დამნაშავე ამ დროისთვის დაკავებული არ არის.