NASA-ს ლეგენდარული მათემატიკოსი და ფიზიკოსი კეტრინ ჯონსონი 101 წლის ასაკში გარდაიცვალა. მისი გარდაცვალების შესახებ NASA-ს ოფიციალურ Twitter-ზე გამოქვეყნდა.
კეტრინ ჯონსონის გამოთვლებმა საკვანძო როლი ითამაშა Nasa-ს კოსმოსური მისიების განხორციელებაში.
კეტრინ ჯონსონმა დამოუკიდებლად გამოთვალა ტრაექტორიები, გაშვების ფანჯრები და სარეზერვო მარშრუტები მერკურის რამდენიმე მისიისთვის; ასევე ტრაექტორია აპოლო 11-ისთვის და დასაბრუნებელი გეზი აპოლო 13-ისთვის.
2015 წელს კეტრინ ჯონსონს აშშ-ის პრეზიდენტმა ბარაკ ობამამ თავისუფლების საპრეზიდენტო მედლით დააჯილდოვა.
კეტრინ ჯონსონის და მისი კოლეგა ქალების ფასდაუდებელი სამსახურის შესახებ შეგიძლიათ მარგო ლი შეტერლის "დამალული ფიგურების" მიხედვით შექმნილ ფილმში უფრო მეტი შეიტყოთ.