ერთიანი ნაციონალური მოძრაობის თავმჯდომარის, გრიგოლ ვაშაძის თქმით, ყოფილ პრემიერს ვანო მერაბიშვილს მისთვის პარტიაში გაწევრიანების თაობაზე არ მიუმართავს.
"ჩემთვის არ მოუმართავს ჯერ და არ უთქვამს თავის გეგმებზე არაფერი და როგორ გიპასუხოთ?“.
"ბებიას ერთი რაღაც რომ ჰქონდეს, ბაბუა იქნებოდა. იმაზე ნუ მელაპარაკებით, რაც რეალობაში არ არის. როცა რეალობა იქნება, კითხვები შემდეგ დამისვით. ჩემთან არანაირი კონტაქტი, არავითარი ზარი, თხოვნა, ან აზრის გაზიარება და გეგმის დასახვა არ ყოფილა." - ამბობს ვაშაძე. ვაშაძის ამ კომენტარს პირველი არხი ავრცელებს.
ყოფილი პრემიერი ვანო მერაბიშვილის პატიმრობიდან მიმდინარე წლის 20 თებერვალს გათავისუფლდა. საპატიმროდან გამოსვლის შემდეგ მან თქვა, რომ აქტიურ პოლიტიკაში იქნება, თუმცა არ დაუკონკრეტებია თუ რომელ პარტიაში გაწევრიანდება.
