საქართველოს პრემიერ-მინისტრი გიორგი გახარია, მიუნხენის უსაფრთხოების რიგით 56-ე კონფერენციის ფარგლებში, რუმინეთის პრემიერ-მინისტრს, ლუდოვიკ ორბანს შეხვდა. შეხხვედრას ორბანი მიკრობლოგ "ტვიტერზე" გამოეხმაურა".
მისი თქმით, შეხვედრის ფარგლებში, თავის ქართველ კოლეგას საქართველოს ტერიტორიული მთლიანობისა და სუვერენიტეტისადმი, ასევე ევროპული და ევროატლანტიკური მისწრაფებებისადმი მტკიცე მხარდაჭერა დაუდასტურა.
"არსებითი და მეგობრული შეხვედრა შედგა საქართველოს პრემიერ-მინისტრ გიორგი გახარიასთან. რუმინეთი სრულად უჭერს მხარს საქართველოს სუვერენიტეტსა და ტერიტორიულ მთლიანობას და მის ევროპულ და ევროატლანტიკურ მისწრაფებებს.
პრიორიტეტულად მიგვაჩნია ჩვენს, როგორც შავი ზღვის რეგიონის ქვეყნებს, შორის კავშირების გაუმჯობესება", - წერს ორბანი.
