უგულავას მხარეს მოვუწოდებ, სტრასბურგის სასამართლოს მიმართოს და ეჭვები მოიხსნება, - ამის შესახებ პარლამენტის თავდაცვის კომიტეტის თავმჯდომარე ირაკლი სესიაშვილმა განაცხადა, ევროკავშირის საგარეო ქმედებათა სამსახურის განცხადებასთან დაკავშირებით.
მისი თქმით, ევროკავშირის საგარეო ქმედებათა სამსახურის განცხადებას მმართველი გუნდი იღებს, როგორც პრინციპულ მოწოდებას კანონის უზენაესობის დაცვაზე.
„ამ მოწოდებას ვიღებთ, როგორც პრინციპულ მოწოდებას კანონის უზენაესობის დაცვაზე, რა მხრივაც საქართველო საერთაშორისო რეიტინგებით ერთ-ერთი ლიდერია არა მხოლოდ რეგიონში, არამედ აღმოსავლეთ ევროპის ქვეყნებს შორისაც, რაც გვახარებს. ეჭვებისა და პოლიტიზებული განცხადებების გასაქარწყლებლად, რომ საქართველოში რამე ფორმით პოლიტიკური მართლმსაჯულებაა, კარგი მაგალითია სტრასბურგის სასამართლოს გადაწყვეტილება. უგულავას მხარეს მოვუწოდებ, სტრასბურგის სასამართლოს მიმართოს და ეჭვები მოიხსნება. კანონის უზენაესობის აღსრულებას წინ ვერცერთი პოლიტიკური პროცესი ვერ დაუდგება, – განაცხადა ირაკლი სესიაშვილმა.