რუსეთის მხოლოდ მესამედზე ოდნავ მეტი მოქალაქე (35%) ენდობა პრეზიდენტ ვლადიმირ პუტინს - 2019 წლის სექტემბერთან შედარებით რეიტინგი 4 პორცენტული პუნქტით შემცირდა. ირკვევა "ლევადა-ცენტრის" იანვრის გამოკითხვიდან.
2017 წლის ნოემბერში პრეზიდენტისადმის ნდობის რეიტინგი შეადგენდა 59 %-ს, რაც იმას ნიშნავს, რომ ორი წლის განმავლობაში ის 24 პროცენტით - თითქმის ორჯერ შემცირდა.
აღსანიშნავია, რომ უცვლელი რჩება იმ ადამიანთა რაოდენობა, რომლებიც დადებითად აფასებენ პუტინის საქმიანობას დადებითი შეფასების მაჩვენებელი კვლავაც სტაბილურია და 60-65%-ს შეადგენს.
"ლევადა-ცენტრი სვამს ღია შეკითხვას ნდობის შესახებ, სადაც რესპონდენტები თავად ასახელებენ პოლიტიკოსებს, რომლებსაც ენდობიან. დადებითი შეფასების მაჩვენებელი სტაბილურია და 60-65%-ს შეადგენს.
აღნიშნულ სხვაობას სოციოლოგები ხსნიან იმგვარად, რომ ნდობის მაჩვენებელი ძირითადად საშინაო სახითხებს, ეკონომიკურ და სოციალურ პოლიტიკას ეფუძნებს, ხოლო საქმიანობის მაჩვენებელი კი პუტინის საგარეო პოლიტიკით კმაყოფილი მოქალაქეების განწყობებს.
გამოკითხვა 23-29 იანვრის პერიოდში ჩატარდა და მასში 1603-მა ადამიანმა მიიღო მონაწილეობა.