თურქეთის აღმოსავლეთ ნაწილში, ვანის პროვინციაში, ბაჰჩესარაის რაიონში ზვავის ჩამოწოლას სულ მცირე 33 ადამიანი ემსხვერპლა.
არსებული ინფორმაციით, ბაჰჩესარაი-ვანის დამაკავშირებელ მაგისტრალზე ზვავი ორჯერ ჩამოწვა. თავდაპირველად, ზვავმა, რომელმაც მიკროავტობუსი და თოვლის საწმენდი მანქანა მოიყოლა, 5 ადამიანი იმსხვერპლა.
მეორე ზვავი სამაშველო სამუშაოების ჩატარებისას ჩამოწვა და 50-მდე ადამიანი მოიყოლა.
ადგილობრივი მედიის ცნობით, დაღუპულთა შორის არიან მაშველები, პოლიციელები, მეხანძრეები და სამოქალაქო პირები.
თურქეთის საგანგებო სიტუაციების მართვის სააგენტოს ცნობით, სამაშველო ოპერაციაში 400-მდე ადამიანია ჩართული.