აშშ-ის პრეზიდენტმა, დონალდ ტრამპმა კონგრესს მარსსა და მთვარეზე მისიის პროგრამის დაფინანსება სთხოვა.
"მე ვთხოვ კონგრესს, რომ სრულად დააფინანსოს პროგრამა "არტემიდა", რომელიც გარანტიას მოგვცემს მთვარეზე შემდეგი მამაკაცი და პირველი ქალი აუცილებლად ამერიკელი ასტრონავტები იქნებიან. ასევე, მისი გამოყენება მოხდეს, როგორც საწყისი პლატფორმა, რათა ამერიკა იყოს პირველი ქვეყანა, რომელიც მარსზე დროშას აღმართავს", - განაცხადა ტრამპმა.
მანამდე კი ტრამპის ადმინისტრაციამ მთვარის პროგრამის დაჩქარებისა და 2024 წლისთვის მთვარეზე ადამიანის გამგზავრების შესახებ განაცხადა. ნასა ამ მისიის შესრულებას 2028 წლისთვის ვარაუდობდა.
2019 წელს ნასამ "არტემიდას" განხორციელებისათვის დამატებით 1.6 მლრდ დოლარი ითხოვა. აგვისტოში კი აშშ-ის ვიცე-პრეზიდენტმა, მაიკ პენსმა განაცხადა, რომ ახალი რაკეტა, რომელიც ასტრონავტებს მთავრის ორბიტაზე გაიყვანს 2019 წლის ბოლომდე უნდა ყოფილიყო მზად.