საფრანგეთი არც პრორუსულია და არც ანტირუსული, საფრანგეთი პროევროპულია - განაცხადა საფრანგეთს პრეზიდენტმა ემანუელ მაკრონმა პოლონეთში, კრაკოვში იაგელონიის უნივერსიტეტში სიტყვით გამოსვლისას.
მისი თქმით, რუსეთთან დიალოგი აუცილებელია ევროპის მშვიდობისა და უსაფრთხოებისთვის.
"კიდევ ერთხელ მინდა ხაზგასმით აღვნიშნო, რომ საფრანგეთი არც პრორუსულია და არც ანტირუსული, საფრანგეთი პროევროპულია. მე მჯერა, რომ შეუძლებელია ევროპაში უსაფრთხოების, ნდობისა და მშვიდობის მშენებლობა, რუსეთთან დიალოგის გარეშე", - განაცხადა მაკრონმა.
მაკრონის განცხადებით, პარიზში გამართული ნორმანდიული ოთხეულის სამიტის შედეგებმა ნათლად აჩვენა, რომ რუსეთთან დიალოგი შესაძლებელია.
"თქვენს თაობას მოუწევს იცხოვროს პირობებში, სადაც მულტილატერალიზმის წესები ძალიან დაზიანებულია, სამყაროში, სადაც არსებობს საფრთხე, სადაც განახლებულია შეიარაღების შეჯიბრი.
ამიტომ ევროპამ უფრო დიდი ყურადღება უნდა მიქციოს უსაფრთხოების პრობლემებს. ჩვენთვის აუცილებელია შევცვალოთ ჩვენი ურთიერთობები რუსეთთან", - უთხრა მაკრონმა უნივერსიტეტის სტუდენტებს.