სომალიში კალიების შემოსევის გამო საგანგებო მდგომარეობა გამოცხადდა. შესაბამის ინფორმაციას სომალის სოფლის მეურნეობის სამინისტრო ავრცელებს.
გაერთიანებული ერების ორგანიზაციის ინფორმაციით, სომალისა და ეთიოპიაში კალიების ასეთი მასშტაბური შემოსევა ბოლო 25 წლის განმავლობაში არ დაფიქსირებულა.
როგორც იუწყებიან, კალიების პოპულაცია ბოლოდროინდელი ხანგრძლივი წვიმების შემდეგ განსაკუთრებით გაიზარდა.
მწერებმა უკვე მიაღწიეს მეზობელ კენიას, სადაც, Associated Press- ის ცნობით, სიტუაცია ყველაზე რთული იყო ბოლო 70 წლის განმავლობაში.