ავსტრალიის ფედერალურ ტერიტორიაზე, სადაც მდებარეობს ქვეყნის დედაქალაქი კანბერა, ხანძრების გამო საგანგებო მდგომარეობა გამოცხადდა.
ადგილობრივი ხელისუფლების განცხადებით, რეგიონში მძვინვარე ხანძარი ბოლო 20 წლის განმავლობაში, ყველაზე მასშტაბური და სახიფათოა.
ფედერალური ტერიტორიის სამხრეთ ნაწილში ხანძარი დაახლოებით 19 000 ჰექტარზეა გავრცელებული. ხელისუფლება მოუწოდებს მოსახლეობას, ევაკუაციისთვის მუდმივ მზადყოფნაში იყვნენ.
ტერიტორიაზე, რომელიც ავსტრალიის ორ უდიდეს ქალაქს სიდნეისა და მელბურნს შორის მდებარეობს, დაახლოებით 400 000 ადამიანი ცხოვრობს.
ბოლოს ამ ტერიტორიაზე, მასშტაბური ხანძარი 2003 წელს გაჩნდა. მაშინ კანბერას გარეუბნებში გაჩენილმა ხანძარმა ოთხი ადამიანი იმსხვერპლა, დაშავდა 500 და დაანგრია ან დააზიანა 470 სახლი.
მასშტაბური ხანძრები ავსტრალიის ტერიტორიაზე გასული წლის სექტემბრიდან მძვინვარებს. ხანძრებმა 33 ადამინი იმსხვერპლა. დაზიანდა და განადგურდა ათასობით საცხოვრებელი სახლი და ადმინისტრაციული ნაგებობა. დაიწვა 11 მლნ ჰექტარი ტერიტორია.
მასშტაბურმა ხაძნრებმა მილიარდამდე ცხოველი იმსხვერპლა.