27 იანვარს, შეერთებული შტატების უზენაესმა სასამართლომ მიიღო გადაწყვეტილება საიმიგრაციო წესების გამკაცრების შესახებ, რომელიც დონალდ ტრამპის ადმინისტრაციის მიერ მომზადდა.
ცვლილებები ეხება პირებს, რომლებიც აშშ-ში იმყოფებიან და ქვეყანაში ბინადრობის უფლების მოპოვებას ცდილობენ.
ახალი წესების მიხედვით, შეერთებული შტატების ტერიტორიაზე ლეგალურად მყოფ მიგრანტებს, რომლებიც მთავრობისგან სოციალურ დახმარებას იღებენ, შტატებში მუდმივი ბინადრობის მიღების უფლება (ე.წ. "მწვანე ბარათი") გაურთულდებათ.
თუ ადამიანი ახლა ან მომავალში დამოკიდებული იქნება სახელმწიფო დახმარებაზე, ავტომატურად მცირდება მწვანე ბარათის მიღების შანსი.
ახალირეგულაციების მიხედვით, "მწვანე ბარათის" გაცემის შესახებ გადაწყვეტილება დამოკიდებული იქნება უამრავ ფაქტორზე, ჯანმრთელობის მდგომარეობა, ინგლისური ენის ცოდნა, ასაკი, განათლების დონე და შემოსავალები.
უზენაესი სასამართლოს ამ გადაწყვეტილებას მიესალმა თეთრი სახლი, რომელმაც აღნიშნა, რომ იგი უაღრესად დადებით გავლენას მოახდენს "ამერიკელ გადასახადის გადამხდელებზე, დასაქმებულებსა და ქვეყნის კონსტიტუციაზე".
რეგულაციები შეეხება დაახლოებით 22 მლნ ამერიკის მოქალაქეობის არმქონე ადამიანს, რომელიც აშშ-ში ლეგალურად იმყოფება.
დონალდ ტრამპმა არალეგალური იმიგრაციის წინააღმდეგ ბრძოლა თავისი საარჩევნო კამპანიის ერთ-ერთ მთავარ დაპირებად გამოაცხადა და ეს სულისკვეთება პრეზიდენტად არჩევის შემდეგაც შეინარჩუნა.