სამოქალაქო აქტივისტი ნატა ფერაძე ხელწერილით გაათავისუფლეს. ნატა ფერაძე ჰყვება, რომ ტრანსგენდერ ქალებს რამდენიმე პირმა შეურაცხყოფა მიაყენა, გამოძახებული პატრული კი მათ მიმართ იყო აგრესიული.
"ტრანსგენდერ ქალებს მძიმედ უწევთ ცხოვრება და ნერვული სისტემა წესრიგში არ აქვთ. პატრული თავად იყო აგრესიულად და ტრანსფობიურად განწყობილი, ესაუბრებოდნენ აგდებულად. სამოქალაქო ფორმაში, შავებში ჩაცმულ ადამიანს ვეუბნებოდი, ასე ნუ ელაპარაკები, სახეში ჩაგაფარებ-მეთქი. ჩამტენეს მანქანაში", - ჰყვება ფერაძე.
ცნობისთვის, ნატა ფერაძე დღეს, 18 იანვარს, დაახლოებით 20:00 საათზე, ცირკის მიმდებარე ტერიტორიაზე დააკავეს.