გერმანიის ფედერაციული რესპუბლიკის კანცლერი ანგელა მერკელი 24 იანვარს სამუშაო ვიზიტით სტამბოლს ეწვევა, სადაც ის მოლაპარაკებებს გამართავს თურქეთის პრეზიდენტ რეჯებ ტაიპ ერდოღანთან. აღნიშნულის შესახებ ბერლინში გამართულ ბრიფინზე გერმანიის მთავრობის ოფიციალურმა წარმომადგენელმა შტეფან ზაიბერტმა განაცხადა.
"დავოსის ეკონომიკურ ფორუმში [23 იანვარი] მონაწილეობის შემდეგ, ქალბატონი მერკელი გაემგზავრება სტამბოლში, სადაც მოლაპარაკებებს გამართავს თურქეთის პრეზიდენტთან. ამის შემდეგ ლიდერები ერთობლივ პრესკონფერენციას გამართავენ", - განაცხადა ზაიბერტმა.
გერმანია-თურქეთის სავაჭრო პალატის მოწვევით, ანგელა მერკელი ასევე ბიზნესის წარმომადგენლებს შეხვდება. მოგვიანებით, გერმანიის კანცლერი, ერდოღანთან ერთად, გერმანია-თურქეთის საუნივერსიტეტო კამპუსის გახსნაში მიიღებს მონაწილეობას.
მანამდე, როგორც იტყობინებიან, თურქეთის პრეზიდენტი 19 იანვარს ბერლინს ეწვევა, სადაც გაიმართება საერთაშორისო სამშვიდობო კონფერენცია ლიბიის საკითხთან დაკავშირებით.