ეროვნულ დემოკრატიული ინსტიტუტის კველვის შედეგების მიხედვით, საქართველოს მართლმადიდებლური ეკლესიის საქმიანობას ძალიან კარგად 13 პროცენტი აფასებს, კარგად – 37 პროცენტი, საშუალოდ – 25 პროცენტი, ცუდად – 10 პროცენტი, ძალიან ცუდად 2 პროცენტი.
2019 წლის სექტემბერში გამოქვეყნებული კვლევის შედეგების მიხედვით მართლმადიდებლური ეკლესიის საქმიანობას ძალიან კარგად 21% აფასებდა, კარგად - 43%, საშუალოდ - 20%, ცუდად - 4%, ძალიან ცუდად - 1%.
2015 წლის აპრილთან შედარებით 25%-ით ნაკლები ადამიანი აფასებს ეკლესიის საქმიანობას დადებითად.
ავტორების ინფორმაციით, კვლევის საველე სამუშაოები ჩატარდა 2019 წლის 19 ნოემბერი-13 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2,180 პირისპირ ინტერვიუს წარმომადგენლობითი შერჩევის საფუძველზე.
„ენდიაის“ კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს „CRRC-საქართველო“. გამოკითხვის საშუალო ცდომილების ზღვარი +/- 1.9 პროცენტია.