ეროვნულ-დემოკრატიული ინსტიტუტის (NDI) კვლევის შედეგების მიხევდით, გამოკითხულთა 40% მიიჩნევს, რომ პარლამენტი ცუდად მუშაობს.
საკანონმდებლო ორგანოს მუშაობას კარგად გამოკითხულთა მხოლოდ 8% აფასებს.
რაც შეეხება სასამართლოს, გამოკითხული მოსახლეობის მხოლოდ 9% თვლის, რომ ეს ინსტიტუტი საკუთარ მოვალეობას კარგად ასრულებს. სასამართლო სისტემის მუშაობით უკმაყოფილო კვლევის თანახმად 31%-ია.
კვლევის საველე სამუშაოები ჩატარდა 2019 წლის 19 ნოემბერი-13 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2,180 პირისპირ ინტერვიუს წარმომადგენლობითი შერჩევის საფუძველზე.
NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო. გამოკითხვის საშუალო ცდომილების ზღვარი +/- 1.9 პროცენტია.