რუსეთის პრეზიდენტი ვლადიმერ პუტინი დამასკში ჩავიდა, სადაც სირიის პრეზიდენტს ბაშარ ალ-ასადს შეხვდა. განაცხადა კრემლის სპიკერმა დიმიტრი პესკოვმა.
პესკოვის განცხადებით, პუტინი აეროპორტიდანვე სირიაში დისლოცირებული რუსული სამხედრო ძალების დაჯგუფებების სამეთაურო შტაბში მივიდა, სადაც მას სირიის პრეზიდენტი ელოდა.
"ორი ქვეყნის მეთაურმა მოისმინა ცნობები ქვეყნის სხვადასხვა რეგიონში არსებული ვითარების შესახებ. ამის შემდეგ კი მხარეებმა ორმხრივი მოლაპარაკება გამართეს.", - დაძინა პესკოვმა.
როგორც პესკოვი ამბობს, პუტინმა თქვა, რომ "დამასკში შეუიარაღებელი თვალით ჩანს მშვიდობისა და სიცოცხლის აღდგენის ნიშნები".
კრემლის პრესსამსახური იუწყება, რომ ასადმა თავის მხრივ მადლობა გადაუხადა პუტინს ვიზიტისთვის, ტერორიზმის წინააღმდეგ ბრძოლისა და სირიაში მშვიდობიანი ცხოვრების აღდგენაში დახმარებისთვის.
