ირანს არასდროს ექნება ბირთვული იარაღი - ასე ეხმიანება შეერთებული შტატების პრეზიდენტი დონალდ ტრამპი მიკრობლოგ "ტვიტერზე" ირანის გადაწყვეტილებას ბირთვული შეთანხმების დატოვების შესახებ.
ირანის მიერ ბირთვული შეთანხმებიდა გასვლის შესახებ გადაწყვეტილება გუშინ გახდა ცნობილი.
მინისტრთა კაბინეტის გადაწყვეტილებით, ირანი აღარ მოახდენს შეთანხმებით გათვალისწინებული მარაგებისა და შეზღუდვების კონტროლს. მათი გადაწყვეტილებით ქვეყნის რესურსი მიემართება ურანის გამდიდრებისკენ და ბირთვული იარაღის განვითარებისკენ.
გადაწყვეტილება ირანის ხელისუფლებამ ყასემ სულეიმანის მკვლელობის შემდეგ მიიღო.
2015 წლის ბირთვული შეთანხმებით, ირანი დათანხმდა ურანის გამდიდრების ლიმიტების დაწესებას და საერთაშორისო მონიტორინგის განხორციელებას, რათა შეემცირებინა მასზე დაკისრებული ეკონომიკური სანქციები.
3 იანვარს, ერაყის დედაქალაქ ბაღდადში, აეროპორტის სიახლოვეს, აშშ-ის მიერ განხორციელებული სარაკეტო დარტყმის დროს, მოკლეს ირანის ისლამური რევოლუციის გუშაგთა კორპუსის ქვედანაყოფის "ყუდსის" ლიდერი, გენერალი ყასემ სულეიმანი.
გენერალ სულეიმანის მკვლელობის გამო ირანში 3-დღიანი გლოვა გამოცხადდა. ქვეყნის უზენაესმა ლიდერმა აიათოლა ალი ხამენეიმ განაცხადა, რომ ირანი ყასემ სულეიმანის გამო შურს იძიებს.
