არ არის მძიმე სოციალურ-ეკონომიკური მდგომარეობა, ეს არის ნარატივი. ეს არის აპოკალიფსის დახატვა რომ უნდათ ზოგიერთებს და არ გამოსდით, მეტი არაფერია - თქვა პარლამენტის დეპუტატმა, ფრაქცია "ქართული ოცნების" წევრმა კარლო კოპალიანმა "რუსთავი 2"-ის ჟურნალისტის მიერ დასმული შეკითხვის პასუხად.
მისი თქმით, "ქართული ოცნების" ხელისუფლება ხალხს აცხოვრებს ისეთ პირობებში, რომლის წარმოდგენა 7 წლის წინ შეუძლებელი იქნებოდა.
“ხალხს "ქართული ოცნების" ხელისუფლება აცხოვრებს ისეთ პირობებში, რომელზე წარმოდგენა 7 წლის წინ წარმოუდგენელი ამბავი იყო. უბრალოდ, ვერც წარმოვიდგენდით.
არ არის მძიმე სოციალურ-ეკონომიკური მდგომარეობა, ეს არის ნარატივი. ეს არის აპოკალიფსის დახატვა რომ უნდათ ზოგიერთებს და არ გამოსდით, მეტი არაფერია.
გადით, გაიარეთ ჰიპერმარკეტებში, შედით ბაზარში, ვერ გაივლით ფიზიკურად, თუ ხალხს ფული არ აქვს და უჭირს, ბაზარში ვერ შევა.
თუმცა, რა თქმა უნდა, გეთანხმებით იმ მომენტში, რომ არის რა თქმა უნდა, სოციალური შეჭირვებული ფენა,“ - აცხადებს კარლო კოპალიანი.