კიევმა და უკრაინის აღმოსავლეთ რეგიონების თვითგამოცხადებული რესპუბლიკების პრორუსმა სეპარატისტებმა პატიმრების გაცვლის პროცესი დაიწყეს.
პროცესი სეპარატისტემის მიერ კონტროლირებად ქალაქ გორლივკას სიახლოვეს მიმდინარეობს. ინფორმაცია უკრაინის პრეზიდენტის ადმინისტრაციის მიერ ვრცელდება.
ჯერ კიდევ დაუდგენელია რიცხვი პატიმრებისა, რომელსაც კიევი და სეპარატისტები გაცვლიან. ადრე გავრცელებული ინფორმაციით, კიევი მზად არის 87 პატიმარი გადასცეს დონბასელ სეპარატისტებს. თავის მხრივ დონბასელი სეპარატისტები 55 ადამიანს გადასცემენ კიევს.
პატიმართა გაცვლის შესახებ შეთანხმება რუსეთის პრეზიდენტ ვლადიმერ პუტინსა და უკრაინის პრეზიდენ ვოლოდიმირ ზელენსკის შორის პარიზში, ნორმანდიული სამიტის ფარგლებში შედგა.
პატიმრების გაცვლის შეთანხმებას რუსეთისა და უკრაინის დაძაბული ურთიერთობების ფონზე წინ გადადგმულ ნაბიჯად მიიჩნევენ.
კიევსა და მოსკოვს შორის ურთიერთობები მას შემდეგ გამწვავდა, რაც რუსეთმა 2014 წელს ყირიმის ნახევარკუნძულის ანექსია მოახდინა და მხარს უჭერს უკრაინის აღმოსავლეთ რეგიონებში მიმდინარე კონფლიქტს, რომელსაც 13 000 ადამისნი სიცოცხლე ემსხვერპლა.